مشكور على التوضيح يافتى الباحه
أنا اختبرت اختبار القياس للجامعيين زي ما قلت , هو طبعا يعتبر للي بيقدم على دراسات عليا ماجستير ودبلوم مثل الأمنيه أو بيكمل الدراسة بالخارج أو معهد , المهم أن الإختبار شــــامل لجميع التخصصات وما يفرق بين التخصصات فيه أسئله لغويه وفيه أسئله حسابات وأسئله تتعلق بالأشكال الهندسية وأسئلة عن الأمن والقانون بس على خفيف وأسئلة عن الأشكال البيانية وأسئلة عن قطعة نصية وبعدها كم سؤال تستخرج الإجابه من القطعه ولازم تقراها عشان تجاوب والوقت قليل صراحه .

طبعا نظامه والأسئله كلها إختياري مثل القدرات الثانوي ومثل قياس المعلمين لكن أنا اختبرت اختبار المعلمين وحصلت على نتيجه أفضل من اختبار الجامعيين

هو يبيله تركيز وأدخلوا على الموقع وافتح الإختبار التجريبي .يمكن يعطيك تصور واللا مامنه فايدة

أنا اللي أشوفه أن الإختبار هذا صاير شيء روتيني لا أقل ولا أكثر حتى الجامعات حاليا كل تخصص له اختبار خاص فيه يقوم فيه القسم نفسه ولا يهمهم اختبار القياس .


أتمنى اني وصلت شيء مفيد لكم .