اقتباس:
المشاركة الأصلية كتبت بواسطة حلمي الامنية
السلام عليكم ورحمة الله وبركاته ..
انا لدي بعض الملاحظات وبعض النصايح للمهتمين في هذا الموضوع الهام ..
بحكم اني قدمت للكلية الأمنية لمرتين على التوالي ولم يكتب الله عزوجل لي الالتحاق بها مع اني ممتاز ممتاز في كل شيء من تخصص ومن معدل تراكمي ومن معدل نسبي في الكلية ومن قدرات ومن كل شيء لكن قدر الله وماشاء فعل .
وانا الحمد لله رب العالمين مدرس ومرتاح على الآخر .
اول شيء لا تجعل الكلية الامنية آخر همك وتجعلها شغلك الشاغل ليل ونهار فاذا واحد من الشباب حصل وظيفة يمسك الوظيفة وبعدين الامنية ( لان بعضهم مايبي وظيفة التدريس ويبي الامنية وفي الاخير راحت عليه التدريس وراحت عليه الامنية )
ثانيا : اغلبكم متخرجين وقاعدين تتنظرون الامنية ليه ماتحاولون في الابتعاث علشان لا قدر الله اذا واحد مانقبل
في الامنية على طول يروح الابتعاث ولا تقولون معدلنا مايسمح للابتعاث .
ترى تقدر تجيب قبول من اي جامعة بعدها تروح تدرس على حسابك الخاص لمدة شهر ثم تضمك الملحقية ويصرف
لك مكآفأة وكل شيء على حساب الدولة .
هذا الشيء اللي حبيت اقوله لكم ولازم تفكرون بمجالات كثيرة غير الامنية لان الامنية ماهي مضمونة والنقيب الخديدي لاحد يصدقه كل كلامه كذب ولا يدري وين الله حاطه فيه .
( اجل يا جماعة الخير فيه واحد منقبل تخصصه انتاج حيواني ومن نفس الجامعة اللي ادرس فيها ومعدلي احسن من معدله واحسن منه بكل شيء .. واساله على اي اساس يقبل هذا الطالب مع اني انا الافضل عاد وش تتوقعون رده !!!
قالي بكل برود احنا محتاجين هالتخصص قلت ماشاء الله .
تتوقعون الكلية الامنية عندها مزارع لتربية الابقار أو مزارع لتهجين الدواجن ؟؟
هذا السؤال ياليت يجاوبنا عليه الخديدي .
|
حياك الله اخوي , اعلم ان الله وزع الارزاق قبل ان تخلق
ولو حتى واحد تخصصه زفلتت شوارع والله كاتب له قبول بينقبل ,
ولو واحد تخصصه "جراحة قلب مفتوح "وما الله كاتب له قبول ماراح ينقبل .
ودام الله رزقك بالتدريس احمد ربك , غيرك مولاقي
انا عن نفسي أفضل التدريس على الامنية , لكن ماجاء شي
وبغيت اسألك : كيف الواحد يطلع على حسابه شهر وبعدين يلتحق بالبعثة . اللي اعرفه سنة على الاقل ؟ ياليت تشرح لي هذي النقطة 