الموقع خلف مطعم تشيلز بعد لفة الفيلاجيو بس الخريطه أوضح من الوصف الي في الإيميل

شعار المطعم : " Come Feed Your Senses"

يعني أتفضل وغذي حواسك .. والشعار بحد ذاته يحمس للتجربة

أطباق المطعم أوروبية بحتة .. لكن ما يميز فعلا هذا المطعم هو أطباق الحلويات الأنيقة المضاءة ..

والسوشي المضاء أيضا

سياسة المطعم : يمنع دخول الأطفال دون سن العاشرة احلى حاجه بصراحه سواها

بعد الكلام الكثير أترككم مع الصور




الجلسات حلوه بس عيبها مافيها بارتشن

بس اغلب الناس في الدوامات فكان هادي جدا وتقدري تاخذي راحتك شويه


المقبلات

زبدة + عيش باغيت فرنسي + مخلل زيتون "مش ولا بد لأن الزبدة صلبة جدا والزيتون حااامض"



أول الخير سلطة سيزار الدجاج

رووووعة ولزييييييييزة

ثاني الخير شوربة كريمة الدجاج والذرة برضو شي خطيييييييييييير




ثالث الخير الطبق الرئيسي ستيك لحم بالماشروم مع بطاطس بوريه وخضار سوتيه فللله



آآآآآخر الخير مشروب الجماهير ..



بصراحة أكلهم لا يعلى عليه أول مطعم فرنسي أذوقه ويكون اكلهم واااااو

الأسعار ممم متوسطه الى غاليه


المكان مايحتاج ماشاء الله قمة النظافة و الترتيب و الروعة
ملاحظه :

في الفاتورة تجيكم الأطباق بأسعار غير الي في المنيو لأنهم يضيفو عليها سعر الخدمة

استيك الماشروم مثلا سعره 84 جا في الفاتورة 99 باضافة الخدمة

[ مطعم جاهان الإيراني ]

من المطاعم القديمة والمعروفة في جدة


أتوقع إنه أول مطعم إيراني

يقع في شارع الأندلس جنب (حقل) المطاعم إللي هناك

يعني بتلقى جنبه فرايديز + روبي تيوزداي + تشيليز + قادو قادو + فيش ماركت مانهاتن .. ولسه ترى في كثيرررر



مدخل المطعم



ديكور المطعم عجيب صراحة

يعني كأنك داخل صالون كلاسيكي بحت

مليئ بالسجاد الإيراني والستائر الرسمية ومفارش السفرة المشغولة والثريات

..شوفوا بنفسكم












المطعم يتمتع بخصوصية بحتة لمن يبحثون فعلا عنها .. بارتيشن وراءك وبجانبك وأمامك



يقولو أطعم شربة عدس



بالنسبة للأطباق الرئيسية ..

عندهم إيدامات غريبة محتوياتها عجيبة

يقولو المشويات كانت لزيزة تذوب الحواس للزتها

يعني لا تقلي مشاوي لبنانية أو حجازية الإيراني غطى على الكل

ربيان مشوي .. يجي معاه بطاطس مقلية



مشويات مشكل ..



جميع الأطباق تقدم مع أرز بالزعفران ..



وهذا الشي الخطير يقدم مع الأطباق .. (مكونة من الزعفران والسماق والملح .. تضاف مع الأرز أو حتى مع المشويات يعطيها نكهة مميزة)



طبعا دا لا غنى عنه




التقييم

بالنسبة للطعام :

صراحة أعطيه مليون / 10 لأنه بجد مميز .. يعتمد الأكل الإيراني في طبخه على الزعفران فلكم أن تتخيلوا الطعم اللزيز

النظافة 10/10

الأطباق + الوايترز + المكان كله نظيف صراحة

الخصوصية

10/10 مع وجود البارتيشن

وان شاء الله رآح اكمل بآقي المطآعم بين فترة وفترة


إلى اشعآر آخر