بقولك حاجه عن الموقع للسوبر ماركت في اي مكان في الوجود

اذا كان الشارع مزدوج فلازم تحط في بالك ان لازم تكون البيوت واجد على نفس الشارع يمين ويسار وورى المحل يكون حي مليان بالسكان عشان يضمن لك حركة السوبر ماركت

الشي الثاني المساحه تكون مناسبه لعدد السكان الي وراك إذا كان على نفس الشارع سوبرماركت كبيره فيحتاج منك تفتح سوبرماركت اكبر او على الاقل زيها لان الي يبي يشتري يبي اغراضه جميع في وقت واحد ومن المكان الاقرب

اذا انتبهت للنقطتين هذي ان ورى المحل سكان ومن يمينه وشماله اذا في على امتداد الشارع او على الاقل الشارع الفرعي الطالع يسار المحل وان في طرق داخليه في الحي تمكن من الوصول لك من اكبر عدد ممكن بعدها تشوف

اذا في امكانيه انك تاخذ بضاعه بالدفع الاجل وشركه تأمن لك البضاعه فحاول انك تاخذ مساحه على الاقل عشرين في عشرين عشان تقدر تفتح داخل السوبر مخبز وخضار وملحمه ومكسرات وتأجر كل واحد منها شهريا على الاقل ما بين 1500 الى 2000 ريال وتطلع في النهايه انك تاخذ اجار اكثر من الي تدفعه وترفع الاجار اذا كان غالي عليك الاجار وبكذا تكون ضمنت ان شاء الله ان اجارك مضمون وارتحت منه وان المستاجرين بيهتموا في البضاعه الخاصه فيهم اكثر من اهتمامك انت

شف اذا فيه شركه تأمن لك الرفوف والكاشيرات والبضاعه فاحجز مساحه كبيره مناسبه للحي الي بتفتح فيه وتأكد من الشوارع الداخليه الي تسهل على المشترين الاتجاه لك داخل الحي الي ورى السوبر ماركت

وإذا حاب تعمل لوحه خاصه فيك اعملها واذا حاب تعمل عن طريق شركه فهم يركبوا لك مجانا وبرضوا معاه يعطون اجار شهري عادة يكون بضاعه من عندهم بدل الفلوس الي يعطوك

اذا كان الحي الي بتفتح فيه بيوته قليله والسوبر ماركات الي جنبك دخلها ضعيف فلا تغامر بسوبر كبير الا اذا كنت راح تخش بقوه وما حولك احد يضرب السوق عليك وحاول تستفيد من عروض المصانع بالتعامل مع اداراتها افضل بكثير من اسعار الموزعين