الغصه اليا داعبت محجر البوح ..
أحلى القصايد .. تبكي الشوق لـ الشوق ..

والشاعر اللي لـ أختنق .. داعب النوح ..
كتب له بويتـ(ن) من الحزن مرموق ..

( البارحه كن السماء مابها روح ..
وأنا الوحيد اللي هنا طحت من فوق .. )

ايا سماي الثامنة وين أنا أروح .. ؟
والارض عقبك يا سماء ما بها ذوق ..

شوفي هنا تحتك يديني لك تلوح ..
بـ أمدها لك .. أنقذي شخص مخنوق ..

مل وصدى صوته من الضيق مبحوح ..
من كثر ما ردد .. ( متى صمتك يفوق ) .. ؟

ردي علي الصوت .. حكيك اذا يفوح ..
يعطر الدنيا .. وينعش له عروق ..

ويزول ليل الغصه بمحجر البوح ..
وأقسى القصايد تبتسم لو بها شوق ..