الا زلنا نحن الشعب السعودي اولى من غيرنا في خيراتنا !! ونرى العطايا والتبرعات تذهب من امام اعيوننا بالمليارات المليارات للدول العربيه كلبنان والبحرين والمغرب ومصر وغيرها كثير وكثير !!!!!

قالوا لازم دراسه ودرسنا الابتدائية والمتوسطه والثانويه والجامعه وتخصص طبعا ودبلوم تربوي واخذنا وطبقنا في المدراس الحكوميه و درسنا في مدارس اهليه واخذنا تقادير امتياز وجيد جدا وجيد

جامعيين ومؤهلين بلا وظائف ووصل عمرنا فوق ال 27 سنة ووالله بعضهم فوق ال30 سنة و تقول كانه واحد معمر شايب من الهم والغم والتفكير والحيرة والحلم بالامان الوظيفي والراحه والطمانينة النفسية ؟؟
لا زواج ولا وظيفه وبعض الاحيان حق البنزين مانحصله الا بالبركه من الله فقط لاغيره

الجامعيين من الشباب يفوقون ال80 الف جامعي مؤهل
والجامعيات يفوقن ال 400 الف جامعييه مؤهله

والشباب بالثانوية يفوقون 2 مليون شاب
والبنات بالثانويه يفوقن ال5 مليون شابه
((((واختبرنا نحن المعلمين اختبار القياس ونجحنا بفضل الله وحده وقالوا اختبار مقابله شخصيه وسويناها ونجحنا بفضل الله وحده
مع ان الناجحين في اختبارات ((( القياس والمقابلات الشخصية معا))) فقط 12892 الف جامعي من 35 الف جامعي يعني الثلث
طيب الباقين وعددهم 22 الف جامعي وين يروحون ؟؟؟؟ في الشوراع القهاوي الاستراحات
وهل نأمن شرهم من الانضمام الى الارهاب او المخدرات والمسكرات والجرائم بانواعها واي شيء يخطر ببال بشر لان الفراغ قاتل بكل معنى الكلمه


يعني الثلث فقط المؤهلين !!! للتعليم
طيب على الاقل وظفوا ال13 الف المؤهلين للتعليم فقط لانهم احق بالتعيين ولانهم نجحوا في اختبار القياس و اختبارالمقابلة الشخصية اللتان كانتا صعبه للغايه والا لما رسب 22 الف جامعي مصيييبه وكارثه ثلثي الجامعيين راسبين وغير مؤهلين !! اجل مخرجات التعليم فاسده ولاتصلح ابدا للتعلم والفائده
من هنا نطالب العدل بيننا الشعب المسكين اللي مهلوك من الايجارات واقساط السيارات واسعار المواد الغذائيه العاليه المرتفعه والقسائم المروريه انا قسايمي والله 6350 ريال ههههه الله كريم من كان عمري 18 سنه ولا سددت ولا ريال على امل بيجي عفوي ملكي وغيري كثيير
وما الى ذالك
و نحن نطلب العدل بيننا وبين المغرب الشقيق والبحرين ولبنان ايام الحرب والى الان لازالت العطايا والهدايا والمليارات مستمرة ومصر وكل هذي الدول تعطيهم الدولة بالمليارات المليارات

اين العدل ؟؟؟

وازيدكم من الشعر بيت والله اني اعرف رجل يعرف سفير يعرفه شخصيا
يقول السفير له شيك مفتوح من الدولة ياخذ منه اللي يبي
واغلب الاحيان يعشي ضيوفه بالملايين والله بالملايين
واحنا الشعب الفقران المنتف ريشه مالنا شيء

لكن الله موجود يحكم بالعدل في الدنيا قبل يوم القيامه
على الاقل اعطوا راتب لكل خريج جامعي 2000 ريال فقط كل شهر
واحنا نستني الين مايجي التعيين
اما عمري 27 سنه ولا عندي حق البنزين والله عيبه وفضيحه
جامعي ولا حتى معي حق البنزين دنيا توريك العجب العجاب

قعدت افكر وافكر وافكر الين بغيت اتجن خيرنا لغيرنا وانا اشوفه بعيني يروح والله لو جاء حرب علينا من ايران او اسرائيل هل المغرب بتقوم معنا او لبنان بتفزع معنا لبنان انظروا ماهي طوائفهم نصفهم مسيحيين و نصفهم الباقي دروز وشيعة وقلة قليلة جدا سنه
والله محد يقوم مع الملك الا نحن شباب السعوديه درع للوطن نفديه بارواحنا ودمائنا
وبعدين انا معلم اجيال والله معلم واستنى تعييني لكن متى الله يفرجها من عنده هو العالم بكل احوال العباد يالله مددت يدي اليك وحدك ولم امده حتى لابي وامي



وكل راع وكل مسؤول عن رعيته وين المسؤولين من وزاراء وامراء وملوك

اينك ياعمر الفاروق يوم قلت ( لو تعثر حمارا على الطريق لحوسبت وعذبت امام ملك الملوك )
فكيف ببشر انسان يحس وله شعور ونحن كل يوم في انحدار وانحدار في المعنويات وكل شيء يخطر ببال امرىء عاقل
لكن مانقول الا يالله

وامعتصمااااااه
واعبدالله

وهل ممكن احد يوصلها للملك عبدالله والمعاناة اللي نعانيها نحن معلمين المستقبل ومعاناة الشعب السعودي المعطأ

الملك عبدالله نحبه وتموت دفاعا عن وعن وطننا ولكن بطانه الملك فاااااااسده من وزراء ومسؤولين كبار وهذي نتائج البطاله وماخفي كان اعظم


روحوا شوفوا كم ارصدت الوزراء في البنوك !!!!!!!!!