اقتباس:
المشاركة الأصلية كتبت بواسطة الظاهري المتميز
السلام عليكم ورحمة الله وبركاته
وعليكم السلام ورحمة الله وبركاته
ياشباب تكفون ابي منكم مساعده
انا توظف في القوات البريه في حفر الباطن وانا من القصيم
السؤال هو : انا سجلت في جامعة الملك عبدالعزيز بجده انتساب هل اقدر ادرس فيها وانا في الجيش او يمنعوني المسؤلين في القوات
واذا اقدر اكمل هل تنصحوني اكمل فيها وبعد التخرج اقدمها على الجيش على شان الترقيه او اقدمها على ديوان الخدمه
وهل فيه احد منكم يعرف ناس درسوا الجامعه وهم انتساب وهم في الجيش وبعد ماخلصوا الجامعه
تعينوا على وضائف حكوميه مدنيه
ياليت اللي عنده معلومات لايبخل علينا
ولكم مني خالص الدعاء
|
انا بقولك اللي اعرفه اخوي واللي صايره عندنا بالقوات الجويه
واعتقد ان النظام واحد ولا يفرق بشي الا يمكن اشياء بسيطه كإجراءات اداريه فقط
تقدر تكمل ايه عادي ومن ابسسسسسط حقوقك ،،، لكن اسأل مرجعك اذا يوافقون على انك تدرس بجده او لا .
لان اول كانوا العسكر عندنا بقاعدة الملك فهد بالطائف يدرسون بجده بس من السنه
هذي قائد القاعده وقف الدارسه من اللعانه اللي فيه وقطع ارزاق العالم ،،،
و اعطانا امر انه لا زم الدراسه تكون فيه منطقة العمل ،، يعني انت تشتغل بالطائف تدرس في جامعه الطائف . غير كذا يرفض الطلب
وما يرفع اوراقك للرياض عشان تجيك موافقه على الدراسه.
يعني انت اول شي اسأل بمرجعك روح لقسم التدريب واسألهم عن هالشي
وفيه اوراقك تاخذها اللي هي نموذج انتساب للجماعه توقعه من رئيسك وفيه تعهد
انه الدراسه تكون على حسابك الخاص وانها ما تتعارض مع العمل وانه ما عندك مانع انهم يمنعونك من اكمالها او اداء الاختبار اذا كان العمل يتطلب وجودك وبعدها مرجعك يرفعها للإداره عندكم عشان تجيك موافقه على الانتساب .
لانك لو ما اخذت موافقه وخلصت الجامعه وجبتها لهم ما راح يعرفتون فيها ولا تقدر تطالب فيها بشي لانك ما اخذت عليها موافقه . ضرووووري تاخذ موافقه .
وبالنسبه اذا فيه احد كمل وفصل ايه اعرف 3 اشخاص عندنا 2 منهم رتبهم رقيب وواحد وكيل رقيب وكلهم فنيين،، خلصوا الجامعه وقدموا ع الديوان وبعد ما جاء تعيينهم قدموا فصل وراحوا للمدينه.
كمل اخوي وادرس والله الشهاده ما ترجع بخساره فيها وتفيدك اذا مو الحين بعدين
ويا كثر اللي تحسفوا انهم ما كملوا ودرسوا .
وقدمها على العمل وقدم على الديوان واذا طلع اسمك بالديوان وقتها استخير ربك
والخيره فيما اختاره الله وانا اخوك.
ملاحظه:
( انا تكلمت عن نظام القوات الجويه ومثل ما قلت اعتقد اغلب القطاعات نفس الطريقه )
لكن انت مر على جناح التدريب او قسم التدريب عندكم واسأل ما بتخسر شي
الله يوفقك وييسر امرك اخوي