سـلام عليكم

بقلكم اليوم وش صار معي
وصلت عند البوابه الساعه 6 ونص الصبح
ولقيييت ناس مو كثير ولا قليل ، يعني تقريبا 28 واحد !!
المهم انتظرنا لين 7 تماماً ، جا الرقيب وطلع لنا ، ومعاه كشف اسامي
المهم قام ينادي بالأسماء ، اول ما جا اسم ، قال جبت معاك صور ؟؟
قلت له لا !! ، قال هي روح صور وتعال ، عشان كذآ اذا جيتو رايحين ، خلو معاكم صور احتياط
في حالة انهم سألوكم عن الصور ، المهم رحت وصورت وجيييتهم ركض ..
دخلت وجلست ، سلمونا استمار طلب إلتحاق ، وفيها أوراق كثير ، أبرزها خطاب لمستشفى الملك فهد للقوات المسلحة ، عشان الفحص ، وخطاب لمدير شرطة محافظة جدة ( ما راح يسمحون لك تروح مركز شرطة في أي مدينة ، فقط شرطة جدة ) وخطاب أخير لمركز الأحوال المدنية ( مو شرط من جدة ، يعني لو بطاقتك مصدرها من مكه ، تروح أحوال مكه ، واذا كانت بطاقتك من الباحه تروح لمركز احوال الباحه ، وهكذا ) ، والأوراق الثانية بياناتك الشخصية وبيانات الوالد والجد والجده وأشياء كثيره ، لكن لا تخافون ، راح يقوم جنـدي مدري عريف ، وراح يشرحلكم بالضبط وش سوون من البدايه حتى النهايه ،،

عموماً ، انا استلمت أوراقي ورحت لمستشفى الملك فهد للقوات المسلحة ،،
لقيت زحممه هناك ، فقمت سلمتهم الخطاب ، اخذو مني استمارة الفحص والخطاب ، واعطوني وصل ، أو موعد لمراجعتهم عشان ابدأ في الفحص الطبي !!

تـنـبيــه يا اخوان ،،
اذا المستشفى اخذو منك استمارة وخطاب الفحص الطبي ،، لا تطلع من عندهم إلا ومعااااك موعد
ورقه صغيره راح يعطونك هيا فيها موعد الكشف الطبي ،، انا موعدي الشهر الجآآي !!
يعني في يوم 19 / 8 / 1431 ،، ،، المهم طلعت من المستشفى الساعه 11 ،، ورحت لشرطة جدة ،، قآلولي تعآل بكرا بدري ،، ورجعت البيت ،، ان شالله راح أبدأ من بكرا ،،

عااد الله يوفقني ويوفقكم ان شالله ،، لا تنسون الله الله بالصلاه ورضا الوالدين ،،
وفالنا القبول النهائي ،،