اول شئ احب اشكرك على هالمجهود ويعطيك الف الف عافيه ...

ااممم عندي تعليق على تسعير بعض الأصول الاحظ فيه نقص ..

> عندك مثلاً البولينج ... قليل موردينه ، والخط الواحد يكلفك من 80 الى 100.000 ريال ..

> البلياردو تقريباً سعرها يصل الى 27.000 ريال ..

> اما الـ Xbox والبلاي ستيشين والبلازما اسعارها تماماً مثل ماقلت ..


اما البولينج بالذات خيااليه خاصة اذا مافيه بنفس المنطقة، تدري عندنا في بريدة سكانها 500.000 تقريبي مافيه ولا صالة وحده .. بالقصيم فيه صالة او صالتين فقط ..

طبعاً لكل الخدمات بالإمكان تقيم عليها دوري بطولة على نفس المنطقة وراح تلاقي إقبال كثير من الشباب .. وخاصة بالعطلة ..



بالنسبة للتراخيص راح تحتاج ترخيص من الرئاسة العامة لرعاية الشباب باسم صالة رياضية وعندهم شروط منها لابد الالتزام فيها ::

1- المساحة الإجمالية ماتقل عن 400 متر .
2- ممنوع دخول أي بنت مهما كان عمرها .
3- اقفال الصالة بعد ساعة معينة ( على ماظن 1 بالليل آخر حد ) .
4- الالتزام بشروط الدفاع المدني وسائل السلامة .

هذا اللي اذكر منها ... واللي حاب اخدمه راح ابحث بأرشيفي ..


ومن ناحية الاستراتيجية التسويقية هذه موضوع بـ لحالها .. اللي جاد يقدر يراسلني واخدمه لوجه الله ... فقط يدعي لي ..