يانجد لايلحقك «غيره» وتوهيم
مالك ترى «ضره» ولالك قرابه
مالك شبيه في جميع الاقاليم
انتي لنا باريس.. لندن.. وطابه
والله لو «بحلف» علي الملازيم
يانجد غيرك في عيوني خرابه
انتي لنا طب الكبود «المكاليم»
وغيرك يجيب لنا المرض والكآبه
والا «الرياض» الها تحية وتسليم
دار قضى فيها «المولع» شبابه
دار الشيوخ «منكسين» المرازيم
اللي لهم بالمجد «عز» و«مهابه»
بس عاد لو بحلف!! علي الملازيم
«يانجد» غيرك في عيوني خرابه