محـــــاوره بين
.
.
بوش وبلير
.
.
بلير
الله لا يجزاك بالخير يابــــوش************ ورطنتا في حرب صدام ورطة
عزمتني تقول بترول وقروش************ بس الحقيقة روحت معك غلطة
بوش
يابلير رد العلم عن بوش بن بوش ************ الله خلقنا للمقاري سلطة
وابوي عنده للرياجيل دنبوش ************ كم شلنا فلوســــــة ونفطة
بلير
ابوك والنعمين مير انت مربوش************ تموت بالبترول وتحب شفطة
صحيح عندك مال وسلاح وجيوش ************ مير اتوقع لك تدهور وسقطه
بوش
يابلير كانك خفت يوم احتمى الهوش ************ حرام ماتاخذ من النفط نقطه
قبلك ترى شيراك قد راح مكروش ************ شوفه يصرح كل يوم بمحطة
بلير
وراك ماتعطي لشيراك عرموش************ تراه مشغلنا بشيلة وحطة
وليا انتهى موضوعنا نرسل طروش ************ ونجمع المبلغ من الربع قطة
بوش
شيراك هذا عنده الفكر مغشوش ************ فرط علي في مجلس الامن فرطة
يدزة اليابان الوصين ويطوش ************ ومجهز الفيتو لتحقيق شرطه
بلير
يابوش انا مرهق وخايف ومدهوش ************ وانته تقول الحرب خدعه وخطة
اسرآي واسراك امتلا منهم الحوش ************ عز الله انه صابني منك جلطة
بوش
ماقلت لك كم فيه اذاعات ودشوش ************ لاتكشف المعنى وانا اقول غلطه
وان قالوا انا علوج واصحابنا جحوش ************ ماهمنــــــا الصحاف ولي يحطه
.
.
وسلامتكم
.
منقول
احلى لطشه لعيووووووووووووون منتدى البطاله
