السلام عليكم ورحمة الله وبركاته
مسااااءالخير

بنات الكل عارف ان الرزاق هو الله

من يوم وحنا اجنه في بطون امهاتنا ربي كاتب رزقنا

بنات الخيره في ماختاره الله لنا سوا طلعت ارقامنا او ماطلعت

اذا طلعت فالحمدلله له وحده الشكر والثناء..

واذا ماطلعت لاتقعدين تندبين حظك وتدعين على نفسك وتضيقين صدرك وصدور اهلك..!!!

قولي الحمدلله الذي لايحمد على مكروه سواه

انتي اكيد ساعتها بتكوني كارهه الي صار اقصد ان رقمك ماطلع

بس تعالي اقولك شي:

الخيره في ماختاره الله لك ..
لانك ماتدرين يمكن هالوظيفه بلاء عليك مو نعمه.!!!
يمكن هالسنه فيه عيون حاره عليك واذا جتك هالوظيفه صابتك امراض
ترا مرض السرطان في الغالبيه سببه عين او نفس..!!
وتقعدين تعالجين وكل راتبك يروح للأدويه ومشاوير السفر للمستشفيات
واحتمال تكون منيتك من هالوظيفه وتموتين وتتركين اهلك او عيالك ييتمون وينحرمون منك..!!


او يمكن اذا حصلت لك الوظيفه يصير لك حادث بالنقل او مصيبه الله يكفينا الشر
وساعتها بتقولين ليتني ماقدمت من الاساس..!!!


او الي متزوجه يمكن تكون ظروف زوجها السنه هذي صعبه ومحتاج لفلوس واذا تعينت بتصير مشاكل على الراتب
وتكبر المشاكل وتوصل لطلاق وتتطلق وتقعد في بيت اهلها ساعتها بتقول
الله لايبارك بهالوظيفه الي فرقت بيني وبين زوجي..!!!


الحين حنا كل جمعه نقراء سورة الكهف وعارفين القصه الي فيها
المفروض ناخذ منها عبر..!!!!
وان الله هو العالم بالشي الي ينفعنا والي يضرنا..!!!
ونقراء سورة البقره(وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون)


(
بنات الي بوصله لكم :

أن كل امورنا فيها خيره اهم شي اننا نرضى ونحمد الله على كل حال
لان الله هو الرحمن الرحيم وهو ارحم الراحمين العالم بحالنا مايخفى عليه شي
انتي تشوفين انك محتاجه لهالوظيفه وربي شايف وعارف كل شي وبيختارلك الصالح
وعسى الله يرزقنا الصالح ويكتبنا لنا الخيره في كل امورنا
</B></I>