اقتباس:
المشاركة الأصلية كتبت بواسطة فريق التحدي
انا ابي اعرف شيء واحد ... وظيفة مترجم كان مطلوب منها (ذكر / أنثى)
والمدير قال مافي الا وظيفة وحده ,,
هل يقصد وظيفة وحدة للذكور ووحدة للإناث ؟!!!
أم وظيفة وحدة ويشغلها أحد الجنسين !
|
الله يكون بعونكـ يا أختـي ، انا تخصصي حاسب تدرين وش سويت ؟
كلمت خويي اللي اذكره شغال في الأمل قال لي انه ضمن اللجنة .. قلت كويس .
طبعا رحت شفت العدد والزحمـة على طول رجـعـت 
ولكن الحمدلله موظف انا من 5 سنين > شايب
لكن على قولهم قلت اخذ خبرة مثل ماقال لي خويي واشوف مستواي باللغة ،
بس توقعت اني بدخل على الاختبار على طول لكن يوم شفت الزحمة والناس تسولف وشكلها من زمان وانا جاي قبل الوقت .. عرفت ان التخلف موجود وانا بمجرد مااشم ريحة تخلف في المكان على طول اهرب افضل لي من المرمطة ، لأن الوظيفة كانت 1 والعدد فوق 300 اعتقد حسب ماقالي
بالنسبة لك لا تيأسين ولا تخلين هالاشياء تحبطك ، صدقيني فيه غيرها افضل لك مايعلمها الا ربك،
اعملي بالاسباب واعلمي ان كل شيء قضاء وقدر ، وماراح تاخذين وظيفة الا اذا الله كاتبها لك،
واتمنى لك ولجميع البنات والشباب التوفيق والله من كل قلبي ...
و خلال هالسنة والسنة القادمة ان شاء الله توقعات تفتح وظايف كثير بإذن الله ،
وانا متفائل بالنسبة لمستقبل التوظيف ...