مهندس كهربائي
هل تعلم ان المهندسين الكهربائيين ان اخر تفكير لهم الامنيه
يعني اذا لف ودار وراح يمين ويسار ومالقى يقول يالله الامنيه والله يعين
قريب لي مهندس معماري جلس ثلاث سنوات عاطل يدور وظيفه مرموقه
مالقى قدم ع الامنيه وانقبل الان اعتقد نقيب او حاجه زي كذا
اللي ابي اوصله لك ياباش مهندس لاتستعجل ابد ابد ابد
تراك مهندس أد الدنيا وترى العسكرية تعب
ولابعد خريج من جامعه امريكيه ..
اعرف قريب لي جدا (أبن عمتي) اخوه من أبوه عميد وماسك منصب اداري كبير
والله ينصح اخوانه عن العسكريه يقول ادخل هندسه ولاتفكر بالعسكرية
خلك مدني وارتاااح
لاتغرك يابش مهندس النجمه تراها حديده مرشوشه ذهبي
والله ياشباب بلدي ان احزن على بعض المهندسين المميزين
لما يدخلو عسكريه ويعينوه في السجون او غيره
بكذا قتل كل العلم اللي تعلمه خلال الخمس سنوات
انا اعرف المهندسين وكيف تعبو في دراساتهم لان اخوي مهندس كان دايم في جد ومذاكره
هذا مشروع رايح وهذا مشروع جاي هذا بحث يكتبه وهذا بحث يسلمه
هذي ماده يعيدها من صعوبة الاسئله وهذي ماده ياخذ فيها أ
يعني تعب تعب لابعد الحدود انا تخصصي علمي وما اذاكر الا قبل الاختبار باسبوع واخذا ب او سي بلس
يعني مافيه اي وجهت مقارنه بين تعبي وتعب اخوي الله يحفظه
الله يوفقه ويوفقكم يامهندسين بلدي
وودي والله لكم وظائف تلامس تخصصاتكم ومادرستوه وماتعلمتوه
وظائف تطبقوا فيها المشاريع والبحوث اللي عملتوها اثناء الدراسه
والله يوفق الدجميع لكل خير