المشاركة الأصلية كتبت بواسطة غربة جسد

ياعزيزي :
أولا ً هل وقفت على اعضاء هيئة التدريس ؟ روح شوف العسكر اللي يجلس 4 و 5 سنوات مايداومون ويستلمون رواتبهم على داير مليم ..
روح شوف الموظفين الحكوميين اللي مسجلين على مراتب ويستلمون رواتب وهم غير موجودين
احدى الادارات الحكومية كان فيها زميل لي خدم فيها 3 سنوات وفجأة .. اذا بالمكان يزدحم بعشرات الموظفين الذين لأول مرة يرونهم و لم يجدوا لهم مكان ! والسبب .. تم تغيير المدير !

الشيء الآخر . خلك واقعي وروح شوف الناس اللي تداوم في أوروبا وامريكا بالبلاك بيري والانترنت .. الناس وين وانت لازلت تتمسك بالبيروقراطية المميته .. حضور وانصراف ..
انتهى العصر هذا .. والله انتهى ...
نحن في عصر التكنولوجيا والاتصالات .. عضو هيئة التدريس يستطيع ان يساعد الطلبة عن طريق التجاوب معهم على الإيميل والجوال والموقع الشخصي .. والموديول الجامعي عالويب سايت ..24ساعة
وأنت تقول من 8 الى 2 ... توقيع على ورق حضور وانصراف . انا اشوف ان هذا هو السر الحقيقي لتخلفنا وضعف الانتاج الوظيفي .. خل الموظف ينام الى 10 ويجي ينتج بدل مايجي ينام عندي في المكتب . لاهو عارف ينام ويرتاح ولاهو قادر يشتغل ! . وهذا الواقع اللي للأسف يعيشه كثير من موظفي الورق وانا اسميهم موظفي الورق ..

وش ابغى بعضو هيئة التدريس يجي وهو ماعنده محاضرة ؟
انا ابغى انتاجية .. فقط انتاجية لو مايحضر الا ساعة واحدة .. اهم شي الانتاجية

انا موظف وادرس باحدى الجامعات ورغم ان كل طرق الاتصال متوفرة من ايميل وارقام اتصال وووو لكن والله ان المدرسين لهم جدول ويحضرون حتى يوم الخميس يعني ماشفت الشيء اللي تقوله ، لكن ربما لان الجامعة خاصة لكن لااعتقد انها بعيدة عن الحكومية


تقبل كلماتي بكل سعة صدر وهذا مااتوقعه منك .... وصدقني مادمنا لانهتم بالمقام الاول الا بالحضور والانصراف .. صدقني بنضيع . . !