حياك الله اختي بيننا
وان شاء الله اخونا فتى نجد يتواجد في اسرع وقت ويفيدك عزيزتي
لك مني كم نصيحه وان شاء الله تفيدك
1) عليك بالصبر ولابد في البدايه الخساره لان اكثر هالحريم لهم بسطات مخصصه ولكن ثقي ثقه تامه بيجي اليوم إلي تمر عليك فيه فحاولي تكسبيها باي طريقه لانها بتكون متعوده على البسطات
2) عليك بالابتسامه والمزح الخفيف مع العميلات وتماشينهن في السوالف وتحليت اللسان هذي الملاحظه وربي إلي يتقنها صح ينجح نجاح باهر واقولها لك من واقع تجربه
3) عليك بالدعايه ثم الدعايه ثم الدعايه لكي تكسبي زباين راح اقول لك على شغله واعذريني يمكن يطول شرحي فيها
لنفترض جميع القطع مشتراها 5 ريال كل ما عليك تقولين اشتري 2 واحصل على الثالثه مجانا
بتقولين كم مكسبك
لو افترضنا تبيعين هالقطعه بـ 10 ريال يعني 2 × 10 = 20 ريال
وعلى طول هيا راح تأخذ الثالثه
بالطريقه هذي بتكوني ربحتي 5 ريال
والشئ الاهم كسبتي زبونه راح ترجع تبحث عنك بالسوق
وانا ما قلت هالنصايح إلا من واقع تجربه
ولك مني اجمل تحيه
واعذريني على القصور والاطاله