حياك الله اختي لغزالمشاعر .. ردك اسعدني جدا ..خصوصا انك راعية بسطه مثلي .. واكيد راح تكوني حاسه فيني ..

كلامك درر عزيزتي .. وصحيح اني جديده ومبتدئه بعالم البسطه والبيع .. بس والله فعلا احس كلامك هو الحاصل ..


مشكوره عزيزتي على النصايح والكلام والدعوات الطيبه ..

وحبيت استوضح منك بعض الامور اذا ماعليك كلافه او ثقل ..

اولا انا بسطت بسوق كل الحريم حولي يميني ويساري وبكل اتجاه تحصلين بسطه .. كلها قمصان بيت وسجاجيد وشراشف صلاة وبخور وشنط واكسسوارات وغيرها .. ولما فكرت ابسط حاولت ابسط بشئ مو عند البساطات ودخلت بالالعاب والبكل والعطور .. لكن للاسف ماحصلت مردود .. اللحين افكر انا بخياطة ملابس اطفال على ذوقي القماش والموديل .. واستفرد ببضاعه مميزه .. هل تشوفين انتي انها مناسبه .؟ واذا تخبرين خياطه تفصل لي بالجمله شاطره وتراعيني ياليت تدليني عليها .. لاني مثل ماقلت لك جديده بعالم السوق ماصار لي خمس شهور ..

ثانيا ابيك تدليني على اسواق بسطاتها في حركه والسوق ماشي .. لان صراحه المكان اللي انا جالسه فيه تعبان ماادري من السوق ولا من بضاعتي ..


واخيرا مشكوره على تفاعلك ويعطيك الف عافيه ..