أعزائي أعضاء منتديات البطاله المحترمين أحب أشارك معكم بهذه القصيده التي لم يسبق لي نشرها إلا عبر هذا المنتدى تعبيراً مني لحب المنتدى والقائمين عليه ولكم تحياتي:

[POEM="font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]
يالله ياشارح صدور المصلين = ياللي بذكرك تستقيم النوايا
أنت المعين ومالنا غيرك معين = لاصارت أرزاق الخلايق سبايا
الجود جودك يا غنات المساكين = والفضل فضلك ياكريم العطايا
لولا الرجى بك ما يداوى المصاخين = ولولا الرجى بك ما تهون البلايا
ينصاك من ضاقت عليه الميادين = اللي غدت ساحات صدره زوايا
من هم بقعا وأختلاف الموازين = ومن هرج ناس يبحثون الخفايا
صحيح من يسمع كلام المجانين = يقول ذولا كاملين السجايا
بالهون ياللي تجهلون القوانين = الحق حق والخطايا خطايا
من صد ما يسمع صياح المنادين = وراعي الوصايا ما يبي له وصايا
لاصار راعي المال عنده دكاكين = ويفرح إذا جوه الزباين سرايا
عندي فجوج الأرض تسوى ملايين = ومبدى براس الرجم بعض العشايا

[/POEM] (( هوى الغربي ))