اخوي خريج ثانويه قالو نوظفه على طول .. قدمت له عندهم ودفعت لهم رسوم.. اتصلو ثاني يوم على اخوي قالو تم ترشيحك لوظيفة خدمة عملاء في السياحه والسفر .. تعال بكرا هنا وانت كاشخ ع الاخر .. فيه اختبار بسيط .. راح اخوي على نياته .. ولا يقول لقيت ولا فيه خمسمية شخص موجود .. والوظايف ثلاث او اربع .. يقول هذولي اليوم وفيه بكرا بعد اختبار لمجموعة ثانيه على نفس الوظيفه .. كان يسحب عليهم ويرجع للبيت يكبر وسادته..

ياخذون منك رسوم ويغرونك .. يقولون ندبر لك وظيفه..

سؤال للجميع..

مكاتب التوظيف وش هم عشان يوظفونك..؟؟؟ ليش فتحوا المكتب.. كل هذا عشان يسعون للربح مو لفائدة الشعب..
يغرونك يقولونك اذا وظفناك تدفع لنا 500 ريال.؟؟
ايه هين يوظفونك.. يقرون اعلان ويقدمون لك ولعشرين الف واحد معاك

ابعدو عن المكاتب والله ما وراهم الا نصب ولعب على خلق الله
كملو دراستكم
وصلو الفروض
واطلبوا من الله التوفيق
وتشوفون الرزق يجيكم من حيث لا تحتسبون


والله يوفقنا وياكم