ومجلٌى عن دار جدٌه واهاليه؛
واقفى يجر الثوب للضلع شرٌاد؛
متمشلح يمشي على أطراف رجليه
الشوك ماله من حيا الرجل ردٌاد؛
الا ولا سبتٍ قويٍ يوقيه
بمشمرخات الهيف بالزحف صعٌاد؛
ولم ماعرٍ من خوف الاروام راقيه
أخذ ثمانٍ مع ثمانٍ له أذواد؛
ولا لفا من عزوته من يلفيه
وجبٌه سقاه من أول الوسم رعاد؛
ما (طالعت) خشم أم سلمان تسقيه
حيث انها للمنهزم دار ميعاد؛
ومن لاذ به تقل الحرم لايذٍ بيه
وفزنا على شهب الغوارب ومن غاد؛
وكم عيٌل يبكي من القيظ قاويه
وجينا قليب صايرن بين الانفاد؛
ونصف الخمس من الثمانين يدليه
إلى ابن رخيصٍ نازل هاك الاجراد؛
قال أقبلوا وانتم هل البيت ياهيه
يابن رخيص الحضر يبغون ببلاد؛
والحيضري بالهدى يكره تبدويه
نبغي نقارب من هل الجوف خلاد؛
وندعي عسى ان الوبل يسقي مفاليه
وأهل سكاكا نعم بذٌالة الزاد؛
ونعم النكيف الي لفا السير طاويه
ياوى والله يالضويحي من اجاد؛
ونعم الرفيق إلى نصا المدح اهاليه
ومصيخ بن فرحان عريب الاجداد؛
كل العساكر نكسه تتلي البيه
نكٌس بهم محسن وعامر وزيٌاد؛
ما منهم اللي شاف حيٌه وارجيه
فزنا على حمر طويلات الابعاد؛
يم الشمال ونيٌه الهور نبغيه
كن جيت بدوانٍ بالاذواد وراد؛
وكل يزيٌن للعشاير نواديه
واحلو شرشوح المغاتير لا انقاد؛
والى دوٌه الراعي (بحلو) التداويه
الى الشط لي فيه يمةٌ الغرب منقاد
كن الشٌفلُح فوق موجات جاريه
ياما عليه من المخاليف وعباد؛
والكل منهم وال الاقداد مشقيه
هذاك فلاح وهذاك كرٌاد؛
وهذا مريح وساهرات دواليه
وهذا يهب الغزل من فوق الاعواد؛
وهذاك يبرم له وهذا يساديه
وكن جيت لي سوق ورا جسر بغداد؛
كن الدٌبا الكتفان يزهي بلوحيه
قبٌه ذهب ياقوت حتى الزمراد؛
يروع قلب المصطحى وان مشى فيه
لاهو بشفٍ لي ولا هو بالامراد؛
ولا هة هواى وطارى النفس يطريه
من يوم جانا العلم تحرير الاوكاد؛
قيل العساكر غربوا تتلي البيه
وحنا لديرة من يعدٌون الاجداد؛
هذا ولد عم وهذا بناخيه
هب الهوى ياذاري الريح وانقاد؛
ويامن يدور قضا حلاله واهاليه
الله يسود وجهكم ياهل الواد؛
سود السما كل الخلايق تراعيه
يالي نسيتوا عمل الاجرب وفهاد؛
ومن عقب هذا داخلين قهاويه
زيد ومنيع والملق صار ذواد؛
كم ما قف حمر الطرابيش مهويه
حتى جراد بجماعتنا ساد؛
هذا يسرقن له وهذا مجليه
عيسى يقول الحرب للمال نفٌاد؛
والمال لمن هبٌت نسايم ذواريه
ياللي تقول الشر مابه لنا أزواد؛
انشد مسوٌ السيف هو ليش حانيه
الي صار مايروى حدوده بالاضداد؛
يدٌيه يم العرفجيٌه ترويه
الي صار ما مرٌ بصنديد الاولاد؛
اللي يوٌصي يذهل اللي يوصيه
الي صار ماهم؟ بصنديد الاولاد؛
فالعنك ياسيف طوى الهم راعيه
الي صار ما مرٌ يزغرت بالاكباد؛
فالعن شباب ما يبهيه راعيه
جينا لناس للطويلات رواد
بالجوف سادوا وهزوا من طمع فيه
عيال قريش ونعم بذالت الزاد
نعم النكيف الي نصى المدح راعيه
الطيب كله في لحيد ولحاد
الكل مثل السيف يضرب بحديه
ومن خلفنا غرير وغويش قعاد
مامنهم الي به الراي يقديه
في ذمة الله ثم عريبين الاجداد
باب الخشب والضلع حرة مبانيه
كلمات الامير عبدالله العلي الرشيد الشمري زعلان على جماعته قصه روعه الي يبي يعرف يدخل شبكه شمر