السلام عليكم ورحمة الله وبركاته ..



هذا هو موضوعي الثاني في هذا المنتدى .. سبق ان طرحت موضوع اناشد فيه اخواني ان يساعدوني بطرح افكارهم لي بجلب بضاعه مميزه لبسطتي ..
https://www.btalah.com/t208936.html

واخيرا قررت .. ويارب يا معين

قررت اني وبعد ماعششت الفكره براسي شهر .. اني اشتغل بخياطة ملابس اطفال .. تكون موديلها من ذوقي وغير موجود بباقي البسطات وغير منتشر بالسوق ..بس طبعا انا ماعرف اخيط حاليا .. وبحكم اني ابغى افصل خمس درازن .. كبدايه اختبار لهذا المشروع


رحت ادور لي خياط بمنطقتي اللي فيها يفصل لي الفساتين . . وطبعا الفساتين اخترت لها موديل ناعم .. والاعمار من سنه الى ست سنوات فقط .. وتفاجأت بالصدمه اللي ماتوقعتها .. الفستان الواحد يبغى يفصله لي الخياط ب اربعين ريال !! رحت للي بعده قال لي عشرين .. رحت للي بعده قال اربعين رحت للي بعده قال ثلاثين !! وش هاذا ؟؟
الفساتين راح تكلفني قماش .. اشتريها بالطول زائد تكلفة الخياطه ؟
اجل كم ابيعها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابيعها بثمانين ؟؟ ما احد يشتري


عشان كذا .. ياليت وياليت وياليت وياليت وياليت وياليت وياليت اي احد يخبر لي خياط او خياطه تفصل لي بالجمله وتكون رخيصه يدلني عليها وتكون بالرياض .. لاني والله تعبت من التفكير والتخطيط .. ودائما تتحطم نفسيتي ..



ارجوكم لا تطنشوني مستعجله بموضوعي هاذا قبل رمضان .. الله يوفقكم وجزى الله خير من يدلني او يرشدني على مبتغاي وله دعوه من القلب ومن اعماقه ..



انتظر ردودكم اخواني واخواتي ..