بسم الله الرحمن الرجيم

أولاً لم اكتب هذا الموضوع من باب المزح أو العبث بمشاعر من يبحث عن وظيفة،
إنما كتبته وأنا والله أعلم كل العلم بأن أسهل شي في الحياة هي الحصول على وظيفة ولكن
ركز معاي زين واسمع اللي أقوله كلمه كلمه ...
الشخص اللي يبحث عن وظيفه نوعين:
1- ماعنده أي خبرة في أي شي
2- عنده خبره في محال معين.

النوع الأول( اللي يعتقد أنه ماعنده خبره في أي شي) أنا ماأتفق معه، لأنه مستحيل يكون فيه شخص ماعنده خبره في أي شي أو على الأقل هواية معينه..

النوع الثاني عنده خبره في مجال معين بس للأسف مو قاعد يبحث بذكاء (ركزوا على موضوع البحث بذكاء).

بأعطيكم نصائح لوجه الله وأمشوا عليها وراح تلقون وظائف بسهوله:
1- التوكل على الله وملازمة الإستغفار ... فمن لزم الأستغفار رزقه الله من حيث لايحتسب كما في
الحديث الصحيح ويقول الله تعالى في الحديث القدسي (أنا عند ظن عبدي بي) فأحسنوا ظنكم
بالله وكن على قناعه بأنك ستجد وظيفة.
2- طريقة البحث يجب أن تكون ذكية ، بمعنى لازم تعرف الجهه اللي أنت مقدم عليها وش يتوقعون منك
بالضبط وتبدأ تركز على هذا الجانب.
3- لازم تكتب السيرة الذاتية بعناية، ولازم يكون عندك أكثر من سيرة ذاتيه وتكون مفصلة للجهه اللي
بتقدمها لها.
4- لازم تعرف كيف تسوق نفسك في كل مكان، حتى عند اصدقاءك وأقاربك، لان انطباعهم عنك مهم جدا
5- البس صح وتقزقرت ، وادخل على الشركة اللي بتقدم عليها وأطلب الراس الكبيرة (وتأكد أن الراس
الكبيرة دايما أرحم من الموظفين الباقين، ادخل عليه بكل ثقة (ولا تبتسم) وقول له أنا سمعت عن
شركتكم (طبعا خلك جاهز . موب يسالك وش سمعت وتقول مدري) وركز مثلا على آخر مشروع أخذوه.
6- اقبل التحدي لو قال لك داوم شهر بدون راتب، وتأكد لو نجحت في التحدي وقمت بعملك بشكل صحيح
فإن المدير لن ينساك طول عمره.
7- ابعد عن سوالبف اني اتعلم بسرعه وعندي القابلية، لاتوعد كثير في المقابله وتذكر دايما (لاتبتسم)
فاصخاب العمل لايثقون في الشخص كثير الابتسامات والوعود.
8- اظهر جديتك في حياتك (وهذا يعتمد على نوع الوظيفة)
9- قد تضطر احيانا للكذب الأبيض فلا مانع .. فنحن نكذب عادة على أشياء ماتسوى. كأن تلعب على وتر
أني كل يوم بعد الفجر مداوم في سوق الخضرة واترزق الله (يارب سامحني
10- لاتتعامل مع الراس الكبيرة كأنه ولي أمرك، تخيله أخوك الكبير اللي يحبك وتحبه وتكلم بكل ثقة.


أي أسئلة أو إرشادات أنا حاضر، أوجهكم قد مااأقدر ...