المشاركة الأصلية كتبت بواسطة متور

ابشر غالي والطلب رخيص

مدة الدبلوم اربعة فصول دراسيه ويقبلونك مهما كانت شهادتك

المهم تكون معك شهادة الثانويه العامه ولا يهم سنة التخرج

يعني يقبلون الخريج القديم لاكن اهم شرط انه معك الثانويه العامه

الدوام يكون اربع ايام في الاسبوع بواقع خمس محاظرات يوميا

تداوم الساعه اربع العصر وتطلع الساعه تسع وطبعا فيه وقت للراحه

غالبا دراستك تكون في معامل الحاسب الالي وعدد الطلاب كحد اقصى 25 طالب

بالنسبه لي كان عدد الطلاب معي12 بس

المعامل مجهزه بجهاز حاسب لكل طالب ومكيفه ومنظيفه والتكييف جيد والكراسي مثل كراسي المكاتب ولا تتعبك مع طول الجلوس

كل فصل دراسي تدرس فيه خمس مواد وفي اخر فصل يكون هناك يوم للتطبيق في احد الشركات بالاضافه الا اربع ايام تدرس فيها في الجامعه

الدراسه جزء منها عملي وجزء نظري...يعني كل ماده فيها جزء نظري وجزء عملي

الاختبارات نظامها يكون فيه اختبار اعمال سنه في منتصف الفصل واختبار نهائي اخر الفصل مثل ما تعرفون

يكون فيه اختبار عملي واختبار نظري لكل ماده

درجة النجاح ستين من ميه

اي استفسار انا حاظر