قال نبينا محمد صلى الله عليه وسلم
( بورك لامتي في بكورها )

انا اعرف واحد من ربعي كان قبل 9 سنوات يشتغل هالشغله اللي بقولك عليها
هو اللحين يبيع ويشتري في الاستراحات والقصور السكنية بالملايين وبدون مبالغة
ماشاء الله تبارك الله

ابقولك من باب حب الخير لك ولاخواني
طبعاً اذا كنت غير موظف بدوام رسمي ( واذا كنت موظف بإمكانك تشتغلها في الخميس والجمعة )

اخوي صلي الفجر في سوق الجملة للخضاروالفواكه
وراح تلقى ناس يبون توصيل خضار وفواكه الى محلاتهم وتفاوض معاهم بالسعر وتعاقد معهم بشكل شهري

يعني كل رد بـ ( ــ ) ريال
وبعدها تكون عرفت المطلوب لدى المحلات وتوفره لهم بدون ما يطلعو إلى السوق بحكم انهم وثقوا فيك
وتاخذ نسبة بسيطه منهم ( القناعة زينه حيث انك في البداية )

وبتوفيق الله راح تكون عليك الطلبات كثيرة
وتشارك في مزاد بكميات كبيرة وكل ما زادة الكمية قل السعر يعني تزيد ارباحك

وتكون خلال سنة بمشئة الله كونت لك كم محل وسوبر ماركت يتعاملون معك ( بعد ماكنت تتعامل معهم )

يبي لك في هالشغلة عدة اشياء اضافية غير اللي عندك
( لتكسب ثقة اكبر عند العميل ويستمر معك ولا يبحث عن بديل لانك اعطيته ما يريد )

1- صلاة الاستخارة قبل البدء .
2- صلاة الفجر في سوق الجمله ومعرفة السوق .
3- الصبر ثم الصبر ( البداية تكون فيها شيء من التعب , لاكن تعدي )
4-الصدق والامانة .
5- توصيل الطلب في وقته وبدون تأخير .
6- اذا تعاقدة مع عدة جهات ممكن تشارك بالمزاد بشراء كميات كبيرة .
7- تخصيص نسبة من الارباح للصدقة حتى لو نسبة بسيطة .

دعواتي لك وللجميع بالتوفيق والنجاح في الدنيا والاخرة