اقتباس:
المشاركة الأصلية كتبت بواسطة جامعي بدون وظيفة
ايه يا الانصاف الله يجيب الانصاف من عنده الانصاف دور له في امريكا واروبا واليابان اما بني يعرب ما عندك احد حنا يتوظف عندنا اللي ابوه وااااصل اما اللي ابوه مسكين وعلى قد حاله بيقعد مثل ابوه اصلا على اي اساس ابو معدل تعبان تقبله وتخلي الممتاز تروح تترك الجاد والعملي وتقبل الفاشل و الغير جاد هذا بالله عليك يقبله العقل اصلا الكلية الامنية لو شفت اغلب ضباطها تلقاهم داخلين بالواسطه ومعدلاتهم رايحه فيهم وثلثينهم ثانوي ويجيك شايف نفسه على واحد جامعي متفوق وكأنه اقل منه وما يدري ان حقيقته شخص فاشل وداخل بالواسطه واللي يقهرني يجيك واحد ويقول وش اسوي في المقابله خاااايف من الضباط وما يدري انهم افشل منه وهو احسن منهم علما وشهادة اعرف ناس على ايام الثانوي داخلين هذي الكلية بفلوس كل واحد دافع مبلغ وقدره وهم اللحين ضباط ولا يتكلم الواحد الا من خشمه الله اكبر تقول ماخذها بتعبه صدقني بيئة العمل اللي تشوف افرادها ماهم كفو للعمل فيها تنعااااف لأنك بتنظلم في كل شي في ترقيتك في تعيينك في تقليدك منصب في كل شي راح تشوف ابو واسطه اقل منك مستوى ويجي ماخذها بارده مبرده .
|
معليش يا جدي اذا معيارك المعدل الجامعي فقط .. فأنا اقول لك مالك لوا .. !!
هذي عسكرية .. ماهي تعليم أو اعلام .. بحيث ان الشخص اللي يعرف ان 6* 5 + 2 = 32
يصير احسن واحد واللي يعرف ان عاصمة فنلندا هلسنكي .. اطلق واحد .. !!
حنا نتكلم عن قطاع عسكري .. جل العمل الميداني .. لذلك يتوجب عليه أن يكون لائق بدنيا ولياقيا
و يكون يمتلك شجاعة و ثقة بالنفس .. و ذكاء و سرعة بديهة .. وهالاشياء ما تعرفها من خلال المعدل ..
اعرف ناس جايبين فوق الـ 4 .. وهم دبش يغشووون و عايشين ع الاقتران وتهريب الاوراق ..
وايضا فيه ناس ما يعرفون الا شيء واحد احفظ الكتاب من الجله للجلده ..
و بالنهاية يجيبون ممتاز .. ولو تسولف معه لقيته ماش تكانه .. !؟
انا لو الود ودي يكون ميعار المفاضلة بالمعدل و التقدير .. في الاخيـر ..
لأنه مو المعيار اللي تحكم من خلاله بأن هالشخص بيكون عسكري أفضل .. !!
و بالنسبة للواسطة هي موجودة بكل مكان .. يعني يتقنعني لو انك مسؤول
و يجي ولد اخوك منتب ممشيه .. !؟
و لكن الواسطة في الآمنية هي الأقل و لله الحمد .. ياخي شف وزارة الدفاع كيف ..
وحتى وزارة الدفاع يهون عند الحرس ..
مافيه شيء بدون واسطة و لكن الواسطات احجام و انواع .. و الامنية تعتبر
الكلية السعكرية الوحيده اللي لو تسأل طلابها .. لوجدت أن اغلبيتهم خاشين بدون واسطة ..
في النهاية بواسطة أو بدون واسطة .. إرادات البشـر لا تغير شيء ..
و الواسطـة الكبرى هي رب العالمين .. لذلك توكلوا على الله .. والله كريم ..
و ادعوا الله و تذكروا قوله تعالى
.. ((وإذا سألك عبادي عني فإني قريب أجيب دعوة الداع إذا دعان )) ..
اعرف واحد شخصيا مستفزعين له انواع الضباط الكبار بالامنية دكاترة وعقداء
وواحد عند الامير نايف بوزارة الداخلية .. وتاليها ما انقبل .. !!
لسبب وحيد أن الله ما كتبها له .. ويوم كلمته الولد موسع صدره وراضي بأمر الله ..
يعني انت يا جامعي الحين تقول أنك بكيت .. وانت محد توسط لك بكلامك ..
فما بالك باللي متوسطين له الناس ومعلمينه برقمه بالمفاضله و أن اوراقه رفعت لوزارة الداخليه
وعلموه بالاحتياج لتخصصه .. و تاليها طلع غير مقبول .. !! (( من شاف مصيبة غيره هانت عليه مصيبته )) ..
فالدنيا والله ما تسوى أن الواحد يضيق صدره فيها عشان عسكرية أو غيرها ..
غيرنا ما يمشي و غيرنا اعمى ومنبسطين و راضين بأمر الله ..
فلذلك انقبلنا يا شباب ولا ما انقبلنا .. الحمد لله اولا واخيرا على الصحة والعافيه ..
و الامنية لها ايجابياتها ولها سلبياتها ايضا .. فأن اختار الله لنا القبول فيها
فالحمد لله .. وان انكرشنا منها .. فهذا امر الله واكيد انها خيره لنا .. !
ومهما صار حنا ناس اكاديميين معنا بكالوريوس .. و أبواب الرزق واجد ..
الصحي عنده وزارته و ينتظر تعيينه .. و المعلم عنده وزارته و ينتظر تعيينه ..
و الاداري ينتظر الوظيفة المدنية .. و انتهى الموضوع ..
واللي يبي يكمل دراسته عنده الماجستير الموازي و لله الحمد ..
واللي يبي الابتعاث بيلقاه .. : )
يعني دروب الرزق واجد .. و يمكن بعد كم سنة اذا ذكرنا فترة التقديم على الامنية ..
نقول الحمد لله اننا ما انقبلنا ..
والله اني اعرف واحد خاله لواء .. وتوسط له بيدخله الحربية ولا قدر ..
و دخل الجامعه و توظف وتخرج معلم .. والحين يحمد الله و يشكره انه ما انقبل
و يستشهد بخويه اللي انقبل و الحين ملحط بتبوك .. ما يشوف امه و ابوه الا بالسنة مرة ..
هالرد مو تحطيم ولا شيء من هذا القبيل .. ان شاء الله اننا بنقبل جميعا بإذن الله ..
والله قادر على كل شيء .. و لكن تذكير ان عدم القبول بالامنية ليس نهاية المطاف .. ؛)