اقتباس: المشاركة الأصلية كتبت بواسطة بلاإسم أما عاد متشوق يالله عشانك بأجل النوم وبتكلملك عن الجزئ الأكثر تشويقا بعد قسم الجراحة طبعا مقابلة واحد كانت أكثر من رووووعة وفلة والحمد لله أكلت الجو مقابلة 1 عبارة عن أبلكيشن يعطونك فيه عدة نقاط يهتمون فيها وانت راح تقراها من ضمنها 1- مظهرك ولبسك 2- تناسب سمتك ومظهرك مع الذوق العام 3- النطق وعدم التأتأة 4- عدم وجود أحرف مضروبة مثل السين = ثين والراء = واء وغيرها 5- تناسق الجسم 6- الجرئة 7- الصوت هل هو حاد أم خشن أم ناعم هذي أشياء باختصار وعند كل شيئ ثلاث درجات أهم شي ماتحصل على صفر لأنها تعني غير لائق إيش عليك من ذا الكلام كله أهم شي وصلت الفكرة .. إلبس لبس متناسق متوافق مع الذوق العام لاتقول كيفي بلبس اللي يعجبني وادخل واثق وسلم بصوت واضح وأريحية يبدا يدردش وياك ويحاول يصكك بمجموعة أسئلة بسرعة وأحيانا يسألك أسئلة غريبة خليني أعطيك مقابلتي: سلمت وسألني عن إسمي جاوبت سألني من وين وجاوبت سألني عن تخصصي ليش دخلت هندسة ميكانيكية جاوبته: صدفه ناظرني وابتسم بعدها سألني إنت نمر ولا أسد ؟؟ قلتله نمر طبعا بكل ثقة استغرب وقال ليش ؟؟ قلتله لأني إتحادي قال عجييييب ولا عشان في بدلتك نمر طبعا كنت لابس طقم المنتخب السعودي قلتله لا هذا فهد قالي مين أسرع الفهد ولا النمر قلتله أكيد الفهد هو أسرع حيوان بالغابة وبعدها قالي خذ ورقة واقرا اللي فيها طبعا لازم تكون قرائتك واضحة وصحيحة والجملة عبارة عن سؤال يقولك جاوب سؤالي: لو لقيت واحد يدخن ورما الدخانة بالمحطة إيش تسويله؟؟ جاوبته النظام في السعودية مايسمحلي أقوله شي قال طيب وش تسوي قلتله لو شكله سمح بكلمه ولا ماراح أقوله شي إلا إذا كان بيدي سلطه قال طيب تخلي المحطة تحترق قلتله والله ما أقدر أسويله شي كل اللي أسويه أكلم أقرب مسؤول أو شرطي قالي ممتاز بعدها قالي مد يدك فوق يبي يشوف تناسق جسمي وقالي تقدر تلمس الأرض بدون ماتثني ركبتك قلتله بالراااااحة ولو تبيني ألمس براسي ركبتي قال تقدر قلتله أكيييييييييد بعدها أخذ الأبلكيشن وأعطاني صح على كل شي وتقيم كامل وكتبلي درجة ماشفتها كم وطلعت الخلاصة مقابلة 1 الغرض منها مظهرك ونطقك وشخصيتك الظاهرية وسرعة رد فعلك وهندامك ممكن يسألك أسئلة غير تماما عن أسئلتي لكن نفس الهدف وعلى فكرة لا أنا ولا غيري راح يفيدك بسرد الأسئلة اللي جاتنا في المقابلة إلا إنك تكون هاااادئ وواثق من نفسك إنتظرني في مقابلة 2 (ولا خلاص ماودك ) اقتباس: المشاركة الأصلية كتبت بواسطة بلاإسم مقابلة 2 باقولكم معلومات عنها على حسب كلام بعض الأصدقاء اللي رحت معهم لأني صارتلي حالة خاصة وكانت مقابلتي غير باقي الناس أتوقع الغرض منها دراسة شخصيتك الفكرية بشكل عام بخلاف مقابلة1 اللي تهتم بالشخصية الخارجية والمظهر يعطيك أبلكيشن تكتب فيه معلوماتك من تخصص ومكان ولادة ومعدل وتاريخ ميلاد وجنسية الوالدة والوالدة وجدانك وجداتك ويسألك هل سافرت خارج المملكة وأين ؟؟ هل تجيد إستخدام النت ؟؟ أذكر صحيفتين أو مجلة تصدر يوميا أو أسبوعيا أو ,..... ماهي القناتين المفضلة لديك ؟؟ ماهي القناتين التي لا تنصح بمشاهدتها ؟؟ وعلى هذا المنوال تدخل على الضابط اللي بيسويلك المقابلة وفي العادة يبدأ يمحص المعلومات اللي بالأبلكيشن ويسألك عن كل المعلومات ويسألك عن أساسيات في الدين مثل أركان الصلاة التشهد الأول واجبات الصلاة و و و ويسألك عن المملكة وعن بعض الوزراء والأمراء وأحيانا يقولك سمعني النشيد الوطني ويدردش معاك عن الإرهاب وعن أسامة بن لادن والحوثيين وأشياء فكرية غالبا أنا ماسألني شي من هالأسئلة ولا عن الورقة اللي سجلت فيها المعلومات لأني ماجبت بطاقة الأحوال ودخلت بالرخصة فرفض الرائد يعمل معاي مقابلة وحولني على المسؤول وبعد أخذ ورد كتب ملاحظة في خانة الملاحظات وحولني على نقيب حبييييييييب وأخلاق وبدا يضغط علي ويحسسني إنه مايقدر يمشيني بدون بطاقة وأتوقع إنها لعبة منه يبي يشوف ردة فعلي وسولف معي عن قبيلتي وأصلي وعن وظيفة الوالد (طبعا ركز انتباهه لما قلتله وظيفة الوالد السابقة) وسألني سؤال وقالي جاوبني بصراحة فسألني وجاوبته (أحتفظ بالسؤال لنفسي) قالي انتظر برا أكلم المسؤول وقعدوا شوي يحشون فيني ويتداولون موضوعي وفي الأخير قالي خلاص بس كتبنا ملاحظة إنك ماجبت البطاقة قلتله ماتأثر قال لا ... طيب ماسويتولي المقابلة قال لا كويس خلاص ومشيت وانا خايف لا يكونوا جابوا خبري تحياتي للجميع لا تنسوا أهم شي الثقة وكيف تجاوب على سؤال ماتعرف إجابته _________________________________________ اللياقة بالنسبة للياقة أكثر سرعة 11 وبالنسبة لي سرعة 11 عادية جدا وأنا أبدأ من 11-15 لكن المدرب الله يسامحه بدا معي من 7 وضيع وقتي وكل شوي أقوله زيد السرعة إلين وصلها 11 قلتله زيدها قال هذا أعلى شي المدة 3 دقائق (بالله هذا إختبار لياقة !!!) والغرض يشوق\فون كم تقطع من مسافة خلال هالوقت وكل ماكانت السرعة 11 لأطول وقت تكون أقرب للدرجة الكاملة واللي لياقته ممتازة أو جيدة أنصحه يبدأ مباشرة من 11 حتى لو اظطريت تزيد السرعة بنفسك المرونة هذي صعب وصفها واللي دخل نادي صحي قبل كذا يعرفها وهي آلية لقياس مرونة الشخص مايهمك تعرف كيف الجهاز لأنه حتى لو عرفت وماكان عندك مرونة أصلا ماراح تستفيد شي وإذا تبي تجهز نفسك أقعد على الأرض ومد رجليك مستقيمة وحاول تلامس طرف أصابع قدك بيدك بدون ماتثني ركبتك وخلي أي أحد يضغط شوي شوي على ظهرك لجل تحسن مرونتك فيه ناس ما وصلوا 15 وهم نحاااف وناس جابو فوق الــ 30 وهم دببة ______________________________________ إنتهت مغامرة الدورة 40 الله يوفقك يارب للقبول النهائي ويسخر لك المسؤولين بالوزارة ،، كل الشكر والتقدير على هذي المعلومات والجهد الجبار،، بس عندي طلب بثر شوي والمعذرة إن كان مزعج ،،، ممكن ترسل السؤال اللي تحتفظ فيه بنفسك على الخاص؟؟ فضلاً وليس أمراً