بسم الله الرحمن الرحيم السلام عليكم ورحمة الله وبركاته : - حبيت أخذ استشاراتكم لأهل الخبــرهـ : ندخل بالموضوع : اخذت لي محل بسوق نســائي وبصراحه المحل هذا ما اقدر ادخله الا الصباح وبالليل ما اقدر ادخله لأنه سوق نسائي , نشاط المحل : ملابس ماركات مخفضه وعندي استفسارات تحتاج لأجوبه ولا تبخلون علينا بخبراتكم ابقول اللي موجع راسي وانتم جاوبو باللي تقدرون عليه واي احد عنده اظافه او نصيحه يقولي اياهــا والقلب داعي له لاني بصراحه جديد على التجاره وقلت ابجرب بتجاره قبل الوظيفه س1\ أحتاج الى موظفه عشان تجلس بالمحل من 4 العصر الى 11 الليل السؤال كم اعطي الموظفه كم تستاهل على شغلها ؟ س2\ كثير من الزملاء عرضو علي المشاركه بـالمحل هل تنصحوني ادخل احد معي ولا بلا شراكه ووجع راس ؟ س3\ طريقة افتتاح المحل كيف اسوي نشرات اعلانيه ولا ماتحتاج وهل افتح المحل وسط الاسبوع ولا اخر الاسبوع لكثرة الزبائن اخر الأسبوع وش تنصحون به ؟ س4\ شريت بضاعه يجيلها 150 الى 200 قطعه وبصراحه اللي شريته مايغطي ولا ربع المحل هل تنصحوني اني افتح المحل ببضاعه بسيطه وحال توفر مبلغ اشتري بضاعه اكبر أو اني انتظر إلين يتوفر معي مبلغ وازود على البضاعه اللي شريتها وافتتح المحل ؟ س5\ اين تباع جملة الماركات المقلدهـ في الرياض ؟ أنتظر جميع ارئكم و اقتراحاتكم السلبيه والأيجابيه وحبيت أختم كلامي :- للي عندهـ بضاعة ملابس بأسعار معقوله ممكن اشتريها منه وكذالك للي حــاب يعرض بضاعته او يشتري بضاعه ويعرضها عندي بالمحل برضه ماعندي مشاكل على أجور نتفق عليها وللضمانات اللي تريحه وأسمحولي على الأطـاله ,,,