اخي العزيز اسئل المولى لك التوفيق
انا راح اقلك موقف حدث لي مع الشركة
البدايه كانت مع شركة دار الرياض منزلين وظايف ارسلت السيرة الذاتية حقتي
اتصل عليا وقالي عندنا مشروع كبير بتبوك ونبغى فنيين حاسب الي
شويه بعدها بيومين دق عليا شخص من شركة ويبرو هندي الجنسية وقالي عندك مقابله بجده يوم الاثنين
عشان تقابل مدير التوظيف
وبكرا تكون عندنا عشان نسويلك المقابله المهم رحت قطعت تذكرة المدينة -جده وواول ماتوصل شارع الجولات بفلسطين دق عليا وانا اوصفلك المكان فين بالظبط لاني ماني من اهل جده
المهم دقيت عليه اول ماوصلت تلعثم بالحكي وقلي استنى شويه ويجيني اتصال بعد هذا كلوا قال بيسوي مقابله معايا بالتيلفون انا اتخربطت وشويه ابكي مصاريف تذكرة ومشوار تاكسي 50 ريال نازل و50ريال طالع للمطار اخرتها تليفون
حاولت افهم الهندي اني انا بجده عشان موعدكم مو راضي يفهم
ماعرفت ايش اقول اجابتي ماكنت مركزة رغم اني حاصل على شهادات دقيقة ومحترفه في عالم الكمبيوتر والشبكات بالاضافه الى خبرات اكثر من 5سنوات
الهندي خلاني اسوي المقابله بالشارع والكل يناظر ويطالع
انصدمت والله كاني مضروب كف جامد على وجهي الهنود لعبوا فيا واهم شي كما تعلم اخي الكريم بالمقابلات قوة الشخصية وهدوء الاعصاب عشان مايكون في ضغوط عليك للاسف هذا كلو حصلي على يدهم
يارب مايسيرلك زي الي حصلي وحسبي الله على الهنود والقصه ديه قبل ثلاث اسابيع
ماراح اسامحهم حسبي الله ونع الوكيل شوية هنود صاروا اوادم علينا ويضحكوا ويتحكموا فينا
اسئل العزيز ان يوفقك ويرزقك بالوظيفه الي تجبر خاطرك