المشاركة الأصلية كتبت بواسطة أصل العروبه

السلام عليكم
الحلقه الثانيه من مسلسل (إثبات الإقامه)
راح زوجي لهم اليوم الاربعاء وقابل مدير تعليم المنطقه 00وقال له :انا اشوف ان اوراقك مضبوطه لكن ما اقدر افيدك بشي لان القسم النسوي هو المسؤول
و للامانه(( جميع الاقسام الرجاليه من مدير التربيه والتعليم بالمنطقه و مدير التأمينات الإجتماعيه وموظفي الاحوال المدنيه كانوا متعاونين جدا ومستغربين من هجولة زوجي عندهم كل شوي يبغى ورقه لان كل الاوراق المطلوبه موجوده معه وكلهم قالوا ماعاد نقدر نفيدك بأكثر من كذا))
المهم000
رحت انا للموظفه وقلت : طلبك حق التأمينات الإجتماعيه الخاصه بصاحب الشركه امر مستحيل وخذوا رقم مدير التامينات الأجتماعيه وتاكدوا بانفسكم
قالت :بصراحه المديره هي اللي رافضه اوراقك انا مابيدي شي روحي لها انتي
وفعلا طبيت عندها توقعوا وش سبب البهذله ذي كلها00؟؟
تقول انا اصلا ماني مقتنعه بشركة زوجك ما دخلت مزاجي لاني ما عمري سمعت عنها
مع ان كلامها يقهر لكن مسكت نفسي وقلت المهم اوراقي كامله عندك ورسميه وكل اللي تبغينه من اوراق عشان الإثبات كله موجود ولو تبغين اكثر اجيب لك ولا يهمك
والله العلي العظيم كان ردها صدمه كبيره جدا 0000قالت00
انا مو صدقه الاختام اللي على اوراقك
قلت: معليش فهميني اكثر
قالت الختم اللي على ورقه التأمينات الإجتماعيه مو ختمنا احنا !!
قلت: يعني انا ختمت بأصبعي والله العظيم انها اوراق من المركز هذا ومختمها موظف التأمينات اللي هنا
قالت اجل رجعيها وخلي المدير التأمينات يغير الختم ويوقعها بنفسه وتعالي يمكن اقبل اوراقك وذا قبلتها برفعها للرياض واطلب منهم (يبتون)في امرها

وفعلا راح زوجي للمره الألف لمدير التأمينات الإجتماعيه وقاله نفس كلامها
استغرب المدير مرررررره وقال :هذا ختمنا مزبوط والاثبات تمام وش تبغى المديره هذي وديلها الاوراق وقولها كذا: ماعاد عندنا شي نسويه لك بالاوراق أكثر من كذا
وزوجي طبعا

لكن حبيت انهي مسلسل الإستهتار والهجوله اللي مالها حل
بلا حول ولا قوه الا بالله العلي العظيم
واذا لي نصيب بالوظيفه باخذه لان الله سبحانه هو مقسم الارزاق
مو المديره واشكالها
والسلام00