[align=center]
اقتباس:
المشاركة الأصلية كتبت بواسطة الاخصائي فهد
ااناا تخصصي نظري وطلع عندي ضعف بسيط في النظر واخاف يرددوني بسبب هذا الضعف ودي اسوي لليزك كم مده النقاه بعد العملية وكم تكلف موعدي يوم والخميس الجاي
|
هلابك ي فهد
اولا لابد يتاكد الدكتور من الضعف اللي عندك ويشوف هل هو ضعف طبيعي ويمكن يتعدل او من الشبكيه وكم حجم هالضعف لان احيان اذا كان الضعف بسيط مايزينون لك عمليه لاجله .
ثانيا عملية الليزك او الليزر لابد يحدد الدكتور اي نوع يناسب لك ولاجل هالشي فيه فحص اسمه تصوير القرنيه بناء على سماكة قرنيتك يتبين اذا ليزر او ليزك .
الليزك : تجرى العمليه لمدة 20 دقيقه او اقل وبدون اي مشاكل وتكون النتيجه مباشره بعد العمليه يعني تحس بان نظرك واضح بعد العمليه مباشره ويوضع على عينك عدسه لاصقه ضماده لمدة يوم وتشال
وخلاص تصرف لك قطرات ترطيب تستعملها لفتره معينه وتوقفها .
الليزر : هذا في حال كانت القرنيه عندك سميكه تجرى العمليه في نفس المده للاولى وبنفس الجهاز لكن مارح تحس بالتحسن الكامل او بمعنى ادق مارح يكون نظرك 6 على 6 الى بعد ستة اسابيع
وتوضع عليك عدسه لاصقه ضماده لمدة 4 او 5 ايام ثم تشال ويبدا بعدها نظرك يتحسن بالتدريج .
المضاعفات في الاولى اقل
الثانيه اكثر احمرار وتهيج في العين وصعوبه في فتح العيون في النور واحيان احساس باجسام غريبه داخل العين .
على المدى الطويل الليزر افضل .
يبقى ان فيه فحص الدكتور وفحص تصوير القرنيه يحدد اذا يناسبلك ليزر او ليزك .
الاخوان اللي زينو فحص قالو ان الدكتور يبدا بارقام ماهي صغيره مره
يعني اذا ضعف نظرك بسيط جدا تبي تمشي امورك .
في حال زينت عملية تصحيح نظر ياليت تجيب معك مايثبت هالشي
ماهو لاني اضمنلك بيقبلونه الامنيه لكن لاجل سبحان الله يمكن مايطلع نظرك مضبوط ويكون معك
دليل انك مزين عمليه .
بالتوفيق
وكلامي هذا من دكتور استشاري عيون اشتغل عنده مترجم بمستشفى .... طوووط مانبي نسوي دعايه 
[/align]