أخوي الله يبارك فيك ما أعرف وش أقدر أقول لك لو تقدر تراسلني على الخاص و تشرح وش هي مشكلتك ممكن أقدر أساعدك أنا إنسان حالي حالك و على حسب قدرتي ربنا يفرج همك و ييسر أمورك أعذرني على ردي إن ما أعجبك
بصراحة جرب معي يوم إنك تضيق تتوضأ و تصلي ركعتين و في هالركعتين أبكي في سجودك و طول السجود و أبكي و أبكي من قلبك و أشتكي همك و حزنك لرب العالمين و شوف بعدها كيف همومك ربنا يفرجها ولا لأ
تصدق أكثر في رمضان تراه قرب
أدعي فيه رب العالمين أكثر و أكثر بيِّن لله تعالى و بيِّن له مدى رغبتك بالشيء اللي إنت تبغاه ... يا صاحبي ترى ربنا راح يستجيب لك صدقني بس أخلص في دعائك وشوف و تذكر كلامي
الله عزوجل عالم و شايف باللي إنت فيه لا تحسب إن ربنا ناسيك حاشى لله
لكن أصبر و توكل على الله حق توكله و ربنا ما راح يتركك أبداً
حاول تاخذ عمره في رمضان حاول تروح للملتزم فالدعاء هناك مستجاب و إن ما تقدر صلي صلاة الليل و أبكي من قلبك خلي دموعك تنزل و أنت بين يدي الله سبحانه و تعالى
و الله أعرف ناس كانوا يبكون في الليل الأظلم في صلاتهم لين الله فرج همومهم و ستر عليهم .. أذكر قضية لفتاة كانت تبكي و تبغى إبن عمها و كان إبن عمها يبغاها لدرجة إنه كان وده ينتحر والله كان وده ينتحر فوق كبري الرياض لكن الله عزوجل و جل عوض صبرهم و زوجهم و وفقهم وشوفهم الحين عندهم ولد ما شاء الله تبارك الله و القصة هذي مالها سنتين وهذي السنة الثانية لهم و أعرف واحد تزوج وحدة يحبها و يبغاها من قلبهلدرجة إنه راسل شيخ لأنه يبغاها لكنه في النهاية طلقها خلاص عافها ما عاد يبغاها لأنه ما أستخار الله ولا توكل عليه ... هذي بعض الأمثلة و اعذرني إن كان ردي لك يا أخوي و يا عزيزي مو في محله