مع الاسف الشديد ان حنا صدقنا تمثيلية السعودة ونظام الشركات
وتصريحات القصيبي اللي الضاهر انه يحلم فيها بليل ويجي يسوي مؤتمرات عليها
هم اخذو غطاء السعودة او مسرحية السعودة من اجل الحد من اعطاء التاشيرات واختلاق اسواق سوداء تبيع
التاشيرات تحت غطاء السعودة هذي صارت قديمه ولعل اكثر الشركات صارت تفقد مصداقيتها
والصراحه هم يتعمدون تطفيش السعوديين بحجة ان السعودي يحب النوم وكم من واحد حالته حاله مع الشركات
طيب سؤال بسيط يدور في ذهني منزمان ؟
ليش موظفين شركة ارامكو الام ماعمرنا سمعنا احد يشتكي منهم على الشركة باي قطاع تابع لارامكو
الا ماندر او حالات 1 على 100 الف يعني هذي شركة وهذولا بسطه
طيب شركة سابك ماعمري سمعت عن احد موظفيها يشتكي منها سابك وطاقمها الاداري وش السبب
انا من وجهة نظري وقف المهزله الحاصله بالشركات والرزق على رب العالمين
يعني لو ابتدي بسيارة اجرة او سيارة دينا او شاحنه او محل صغير كل واحد وميوله ادير نفسي فيه
بعيد عن مشاكل الشركات او مقاطعة الشركات والتجربه خير برهان انا واثق من نجاحها وفيه عدة طرق لعدة مشاريع
واهم مقومات نجاح المشاريع الصغيرة البعد عن الاجانب او مقاطعتهم بمعنى ان العنصر الاجنبي لايصير احد مقومات نجاح المشروع او الاعتماد عليه هم ابرز سبب للبطالة واتحادهم فيما بينهم
والتجربة ناجحه ان شاء الله
اتمنى من الجميع التفاعل لااجل وقف مهزلة شركات السعودة لعلك ماتدري لعلك تصير احد المنافسين لااكبر شركة
وهذي احد عناصر الضغط على شركات الاجانب بوقف مهزلتها الحاصلة بالوقت الحالي
تقبلوا مروري وناسف على الاطاله