المشاركة الأصلية كتبت بواسطة تركي العنزي

اخوي من ام القرى الكلية الامنية حلوه لكن اقسم لك بالله كل الل اقابلهم يقولون ما تصلح لك اتركها وبيني وبينك من يوم اشوفهم يعقدون الامور ويدققون زيادة عن اللزوم بديت افكر اسحب عليهم والله تعبت منهم ومافي وجه مقارنه لو درست وكملت دراساتك العليا واخذت الدكتوراه ياخي لو تبي تصير اكاديمي عندك فرصه ولو تبي تتوظف في وظيفة مدنية راح تتعين على التاسعه اقل شي ويمكن توصل للمرتبه الممتازه ابرك من لوا يجيه فريق يدق خشمه بعدين وانت عسكري لو بتدرس امامك فقط جامعة الامير نايف ولازم واسطه وفي النهايه جامعة نايف غير معترف فيها خلني اكون صريح معك انا عمري 23 لو كملت الماستر والدكتوراه عمري بياصل 28 او 29 بالكثير وانا دكتور طيب لو دخل واحد من زملاي الكلية الامنية وعمره 23 ووصل عمره 29 وش تتوقع بتكون رتبته (((ملازم اول))) يعني شف الفرق دكتور ولا ملازم اول اتوقع الجواب واضح ياخي الدكتوراه عز اقسم بالله تحس انك فعلا شخص مختلف عن الجميع لو تحصر عدد الحاصلين على الدكتوراه في السعودية تجدهم ما يصلون 2% من نسبة السكان .....وغصب عن اللي يرضى واللي ما يرضى مادم انك دكتور راح تتوظف وتفرض نفسك على الجميع ويحسب لك الف حساب والله العسكرية مامنها الا التعب والكرف ويكفيك انه يدخل معك واحد اقل معدل منك ويجي في الكلية افضل منك في اللياقه ويصير عريف عليك مدري رقيب ويقعد يمرمطك وينافخ عليك صدقني ناس كثير يقولون العسكرية طموح الفاشلين بس والله وانا خوك مدري وش السواة ودي بوظيفة وبراتب زين و ودي اكمل دراساتي في نفس الوقت.