اقتباس:
المشاركة الأصلية كتبت بواسطة عاشق الصباح
م احمد الغامدي كلامك على عيني وراسي بس انا قلت في ناس وانا متأكد وفيه ناس خلصت وجالسه تدخل وترد علينا وانت الله يوفقك ماقصرت
وبالنسبه للمقابله وش الاسئله العامه لو كل واحد كتب وش الاسئله اللي صارت معه كان على الاقل خففنا من الضغط على الناس اللي خايفين من المقابله
|
تسلم اخوي عاشق الصباح على ردك 
بخصوص الاسئله مع انها ماراح تفيدك كثير لانه مثل ماقلت هدفها يشوفو ردة فعلك وكل فترة يخترعو اسئله ماتتوقعها حتى ماتجاوب
على العموم بخصوص الاسئله اولا انا لما سافرت نسيت العقال ومالحقت اشتري فكنت رايح بشماغ بدون عقال وعشان كذا في البداية كان في تركيز على بعض الاسئله الدينيه مع انه سالوني عنه بعدين وقلت لهم السالفه وضحكو
من الاسئله حسب ما اذكر قد سمعت بالدول الاسكندنافيه ... وفين تقع في اوربا وايش هي الدول
كم العدد التقريبي لدول الجامعه العربيه
عام كم توحدت المملكه تقريبا ... وعام كم دخل الملك عبدالعزيز الرياض ==> لاحظ اي شي له علاقة بارقام او تواريخ يقول لك تقريبا كم
سالوني عن العولمة ايش هي وهل تتوقع ايجابياتها اكثر او سلبياتها
موضوع السفر هل اغلبيه ايجابيات او سلبيات .... وهل قد سافرت وهل تحب السفر
وايضا سالو عن فتوى الشيخ الكلاباني ... انا ما قد سمعت فيها صراحه فهو قال لي الفتوى تبيح سماع الاغاني ... فسالني ايش رايك فيها
وسالوني عن سبب ارتفاع درجات المواد الدينيه في الثانوي هل كنت ملتزم وقتها
وهل احب احضر محاضرات دينيه
وفي بداية المقابلة سالني ليه مقدم على الدفاع
واسئلة التخصص كانت في البداية ليش اخترت تخصصك الحالي ... وايش ميولك بالتحديد
وايضا لو بتتوظف في الدفاع ايش تبي تشتغل بالضبط (يعني مثلا امسك حماية شبكات وحماية نظام التشغيل ...الخ)
واخيرا بيسال عن تطوريك نفسك وهل حاولت تطور نفسك في تخصصك ... وهل ناوي تكمل دراسات بعدين
هذا اللي اذكره واتمنى يكون افاد الجميع ... وانصحكم تهتمو باللون الاحمر لانه تقريبا ثابت ... اما الباقي مع كل مقابلة في اسئله مختلفه وشي طبيعي لو ماجاوبت عليها كلها لان هدفه تحليل شخصيتك
وبالتوفيق للجميع ان شاء الله واعذروني اذا الرد ماهو منظم لاني كتبته على السريع