السلام عليكم ورحمة الله وبركاته
طبعا الشباب ما قصروا بالمعلومات الله يعطيهم العافية ..

حبيت أنبه زيادة على سالفة الجوال .. خله بالسيارة أو بالبيت ..
لأنه ممنوع !!

وابركز على المقابلة ..
والباقي مثل ما قالوا الإخوان تسااهيل بالمرة !!

المقابلة ،، وما أدراك ما المقابلة ..

طبعا .. غرف المقابلة عبارة عن 3 غرف ..

كل تخصص له غرفة محددة ،، مثل :

التخصصات الهندسية لهم غرفة خاصة ..
والتخصصات الإدارية أيضا لهم غرفة خاصة ..
والتخصصات الشرعية واللغة العربية وعلم الاجتماع وغيره لهم غرفة خاصة ..

أنا تخصصي لغة عربية ..

يسألونك أسئلة في عمق التخصص !!
وغالبية الأسئلة بتكون صعبة عليك ، بس لا تخاف حبوبين ،، ومتساهلين ،، ويعلمونك الإجابة ..

أول ما تدخل يخلونك تقرأ من المصحف اللي قدامك ..
ثم يسألونك عن إعراب بعض الكلمات من الآيات اللي قريت !! << دوشت فيها !!

ثم يقولك .. عطنا جمع مؤنث سالم منصوب في مثال من عندك ..

وتختلف الأمثلة طبعا من شخص لآخر ، بس باوضح لكم ..


ثم يخلونك تقرأ من جريدة يعطيك إياها ..

ويسألك عن بعض الإعراب فيها ..

,,,

والمقابلة عموما تحتاج واحد ما يرتبك ،، ويتكلم على السليقة ,,

لا تصير خايف أو مرتبك ..
لأن الهدف منها تقويم شخصية الرجال اللي قدامك ...

وفالكم القبول النهائي ...

والله الله بالدعاء ,, ترا ربك ما يخيب من دعاه ..
وخل دعائك مقرون بالأعمال الصالحة ،،
وإن شاء الله الأمور تسهل ..
وسلام عليكم ..