السلام عليكم
الحمد لله خلصنا امورنا
والله يا شباب الامور سهالات ما توقعتها كذا
لا احد يشيل هم ابداً..

اليوم الاول كالعاده تروح بالباص للصاله الرياضيه وبعدها تجلس في المدرج وتطفى الكهرباء>>> ياعيني على الوصف

يوزعون عليك استماره تعبيها وتدبسها مع الصورة
بعدين يحضرونك بالكشف ويدخلون اسمك بالحاسب وتروح الجهه الثانيه تفتح ملف وتعبيه وتسنتر بالمدرج ساعه وشوي ثم تروح العيادات اول شىء النظر وانا سألني الدكتور في اخر سطر والله يالله شفتها حسبي الله عليه
الشباب يسألهم في السطور العليا وانا سألني في اخر سطر يالله عديت
ثم تقرأ رقمين على الطاير سهله

بعدها الاسنان يقول ابتسم ولا ثانيتين ثم تروح
بعدين الضغط واحد شباب محترم يسويها لك
ثم التحليل دم وبول اكرمكم الله بس انتبهو فيه شباب توهقو خلص الزيت عندهم ويالله بعد المويه طلع ربع علبه

ثم تروح بالباص للاشعه وهناك تخلصون زي السلام عليكم في دقائق ثم تروحون لاهاليكم

اليوم الثاني
بالباص للصاله الرياضيه ثم المدرج وبعدها ينادون بالاسماء يعني ما يهم تكون جالس قدام او ورا
عموماً تروح العيادات وتدخل على الباطنيه يسألك اسئلة اجوبتها لا ... يعني تتعاطى مخدرات فيك مس ...الخ
بعدها تقلع الملابس باستثناء الداخلي القصير فيه شباب يجون بسراويل مدري كيف ... ياخي البس بايونير قصير استر مثل العالم ماحد يطالع فيك
تدخل للدكتور يقول افسخ ... تنزل السروال علشان يشوف ابو الشباب ثم يقول روح

بعدها المقابلات .. سهالات يسألك وانت وحظك اهم شىء اصرف بالعربي لا تسكت
بعدها البصمات ... تبصم وترجع للصاله تقابل العسكري يشوف ملف الالتحاق وكيف تدبس اوراقك سهالات مره
تاخذه وتروح للمدرج اللي تحت يدقق بياناتك ثم تروح للستار الازرق علشان تأكيد الطول

ثم تروح بعدها تسلم ملفك خلاااااااااص
ويعطيك الكرت الاصفر بعدييييييييييييييين تروح البوفيه ترتاح وتصلي وتعين من الله خير وبعد الظهر يعني حوالي الساعه 2 ينادون بالاسماء مدري كيف نظامهم بس الظاهر بارقام الطلب

ياخذون كل ربع ساعه حوالي اربع صفوف من اللي ينادونهم
وفي اللياقه على طول سريع سريع ما تقعد نص ساعه الا وانت مخلص كل شىء
الاطاله تحاول تلمس حديده فوق رجولك وعليها درجات
الثانيه السير وهذي اللي لياقته نص ونص عاد يصكها 11 صدقني سهله
انا قلت له تراني منقطع عن الرياضه قال يا رجال حط رجلك بلا لياقه بلا كلام فاضي كلها ثلاث دقايق اذا تبي قبول نهائي امش وبس ربك يسهل
ابد صكيتها على 11 وما حسيت الا وهو يقول ما بقى الا نص دقيقه بيني وبينكم عيوني احس انها طلعت بس ربك وفق وعديناها

الله يوفق الجميع