السلام عليكم اختي

بالنسبة للاجابه عن اسئلتك

السلام عليكم ورحمة الله وبركاته
ممكن تتفعلون معي ..
انا طالبه تونى متخرجة من الثانويه وحبيت ادخل في الاكاديميه الدولية العلوم الصحيةبالرياض قسم (دبلوم صيدله)وحبيت اسالكم كم سوال معليش تحملونى !
1)كم الرسوم التسجيل وكم المبلغ التدريس؟

الرسوم تقريبا 57000 لكل الدراسة ويمكن اكثر لان كانت الدراسة سنتين ونص واضافو عليها سنه تحظيرية
2)اقدر اكمل درستى اذا خلصت دبلوم ؟

ايه تقدرين تكلمين دراستك في كليه او جامعه اهليه مو حكومية او في الخارج
3)متى ينتهي التسجيل بالاكاديميه؟

هذا السؤال الاكاديمية نفسهم يجاوبونك عليه
4)كم سنه ادرس بالاكاديميه؟

3 سنوات ونص

طبعا عشان تقديمن على المعهد لازم تختبرين اختبار تحديد مستوى اللغه الانجليزية من الهيئة السعودية اعتقد
5) وين مكان الدراسه في الاكاديميه؟

الدراسة بتكون في موقعهم في الرياض مدري وين بالضبط
.

بعد ما جاوبت على اسئلتك بكلمك وبانصحك عن سابق تجربة وانتي قرري براحتك

الصيدلة تخصص مررررة حلو وانا صار لي سنتين متخرج من الاكاديمية الدوليه تخصص صيدلة ونسبتي عالية ورغم كذا ما توظفت , هو صح فيه وظايف وقدمت على وظايف كثيرة لكن ما عندي واسطه للاسف لان اغلب الا اقبلوهم معدلاتهم اقل مني بكثير *

عشان كذا انا انصحك تدرسين بكالوريوس صيدلة او فارما دي من الان ولا تتعبين نفسك مع الدبلوم
لان اساسا وزير الصحه معلن من فترة اعلان رسمي والاعلان موجود في المنتدى مثبت ان اصحاب الدبلوم الصحي وخصوصا الصيدلة لن يتم تعينهم وزي ما انتي شايفه اصحاب الدبلومات كثيييرين وما توظفوا



في الرياض فيه كليات خاصة كثيرة تدرس بكالوريوس صيدله قدمي عليها

واسمعيها نصيحه مني اذا تبين مستقبل حلو درسي بكالوريوس على طول وبعدي عن الاكاديمية الدوليه وعن كلية الغد لانه تابعه لنفس الشركة

وروحي للكليات الخاصه الثانية اللي في الرياض رغم اني ما جربتها بس يفضلون افضل من الاكاديميه ويكفي انك بتدرسين بكالور يوس


وفيه كليتين بالرياض تقدرين تدرسين فيهم بكالوريوس وهم :

1- كلية الرياض لطب الاسنان والصيدلة

2- وكلية المعرفة للعلوم والتقنية,, وهذي الكلية تتميز عن الكلية الاولى انك تقدرين تدرسين فيها (فارما دي) على طول يعني لما تتخرجين تكون درجتك ,,, دكتورة في الصيدلة


دخلي على مواقع الكليتين اللي قلت لك عنهم اذا حبيتي تعرفين عنهم اكثر

واذا بغيتي تتأكدين انهم معتمدين من وزارة التعليم العالي اتصلي على الوزارة وسأليهم او دخلي موقع الوزارة وشوفي

هم حسب اللي اعرفه انهم معتمدين



واذا حابة تسألين عن شي ثاني انا حاظر


والله يوفقك يارب