[align=center]
ياشباب اول شيء نسأل الله لنا ولكم التوفيق باذن الله وننقبل نهائي جميع
بداية أحب اعقب على كلام اللي يقول اللواء السنة هاذي راح يكون العديد كثير ، أول شيء الفرز يتم من عند وزارة الداخلية وفق أولا المقابلة الشخصية بالدرجة الاولى ثانيا التخصص ، فيه ناس يقولك انا معدلي وجبت باللياقة الدرجات كلها ، راح أعيد لك واقولك المقابلة الشخصية هي اللي تحدد لان هي اللي عليها القبول فقط وغيره كل الأمور سهالات يعني حنا شفنا ناس مشاء الله معدلاتهم تحت ودرجات القياس ايضا تحت يعني كيف انقبل وماعنده واسطه انا اعرف نص اللي قدموا على الأمنية العام والله العظيم ماعندهم واسطات ومعدلاتهم متدنية ، فأقولكم القبول يعتمد على المقابلة ثانيا على مدى حاجتهم للتخصص اما لياقة وتحاليل كلها روتينية ، اما بالنسبة للجانب الآخر أنصحكم ياشباب تبعدون عن التكهنات السنة هاذي يبغون تخصص كذا السنة هذا بيقبلون أكثر السنة هاذي مدري ايش ، خلاص قدمت أنهيت كل أمورك لاتجلس توسوس وتتفلسف باشياء ماتعرف فيها ، يعني بالعربي اللي خلص إجراءته يقفل على الموضوع ويشوف له موضوع ثاني أحسن منه أو يهتم بالوظائف الأخرى ، وترى الأمنية ماهي جنة اذا دخلتها وظيفة تتبع السلك العسكري يميزها رواتب عالية وماكنة إجتماعية وهذا تفكير معظم جميع المتقدمين على العموم الله يوفقكم ياشباب وقدموا على اشياء ثانية ولاتفكرون كثير بالأمنية ترا تتعبون ان ماجتك فاهي خيرة وان جتك الله يوفقك يا أخوي الغالي ..

أسأل الله لكم التوفيق ياشباب وكل عام وانتم بخير بمناسبة حلول شهر رمضان المبارك

وآآآآآآآسف على الإطالة
[/align]