السلام عليكم
اخي الكريم خذ العلم من له خبرة ليست قليلة بالتمر
التجارة بالتمر بحر ماله قاع تقدر تشري مزارع وتبيع جملة تقدر تشري جملة الجملة من السوق وتبيع جملة الجملة بعتيقة او جملة على اشخاص او على محلات
ثم تقدر تشري اخر الموسم لغرض الكنز وتبيع جملة او مفرق وتقدر تشري جملة مكنوز وتبيع مفرق وهكذا

لكن نصيحتي لك شكلك بيكون شغلك داخل القصيم لانك تبحث عن مندوبين وراس المال 8000 نصيحتي دور واحد بالشرقية او الرياض والشرقية افضل بحيث انت تشري رطب من سوق عنيزة مثلا والافضل لو من مزرعة على طول ثم ترسله لراعي الشرقية حسب طريقة النقل وهو يبيعه هناك
انت مرتاح بديك وهو مرتاح بديرته بس نصيحة لا تشري شي غالي تبلش به
ثم باخر الموسم اشتر من السكري او الخلاص اللي يابس شوي ودور احد يضبط الكنز واكنزه عنده وخزنه بعد 3 او 4 شهور بعه اما جملة او مفرق
واتمنى لك التوفيق
بس نصيحة لوجه الله التمر لا تاخذ الا الزين اللي ما يبلش به تبي تلقى شي رخيص بس انته تقربه لانه نشب ما يمشي الله بالزين وسعره مناسب يعني لا تستعجل بالشرى رحت اليوم ما لقيت تعال بكرى او بعده وهكذا