اقتباس:
المشاركة الأصلية كتبت بواسطة طالب اعلام
السلام عليكم
اخوي اشرح لي هذا المعلومه بالتفصيل الممل
يعني غرقني بالمعلومات
لانها بتهمني كتير اوي اوي يا فندم <<<أسف فلسعه
والمصدر لا هنة يالغالي
اخوك
طالب اعلام
|
ابشـر .. 
عند الوصول للفرز النهائي .. يتم تقليص عدد كبير من الطلبة .. من خلال
اختبارات الطول و الوزن و الكشف الطبي .. و بقية الاجراءات ..
مثلا وصل هالسنة اكثر من 150 طالب لغة عربية للفرز النهائي ..
واكثر من 80 طالب تخصصه اعلام ..
واكثر من 140 طالب تخصصه حاسب ..
لكن في وزارة الداخلية الاحتياج اقل من هالعدد .. فمثلا هم ما يحتاجون
الا 32 طالب لغة عربية .. و 28 طالب اعلام .. و 80 طالب حاسب (( مثال فقط )) ..
لاحظ انه بقى عدد كبير من الطلاب ما راح ينقبل .. فهمت كيف .. !؟
طبعا انا ما عندي معرفة بالاحتياجات لهالتخصصات هالسنة .. و بإذن الله ننقبل جميعا ..
لكن حبيت اوضح لأني شفت بعض الاعضاء ينظرون للأمر نظرة اجمالية
بحيث حساب العدد لالاجمالي للطلاب اللي وصلوا الفرز وهم 1800 و الاحتياج المتوقع
وهو 1200 .. و أن نسبة قبول كل طالب تتخطى 70% ..
حبيت اوضح أن هالكلام يفتقر للصحـة .. ففرص القبول تعتمد على الاحتياج ..
واحد تخصصه تربية بدنية مثلا .. فرصة قبولة 90% ..
و واحد ثاني تخصصه لغة عربية فرصة قبوله 30% ..
بالنسبة للمصدر .. الحمد لله مافيه مصدر و لكن بناء على العام الماضي
و عدد المقبولين من كل تخصص ,,
و الحمد لله أن كل سنة تكذب السنة اللي قبلها .. في دورة 38 الطلاب اللي انقبلوا من
تخصص اللغة العربية اكثر من اللي انقبلوا من متخصصين التربية البدنية ..
يعني كلامي مجرد كلام لا يتم البناء عليه و ان شاء الله يطلع توقع بايخ
و ننقبل جميعا .. بإذن الله .. ,
بس حبيت اوضح الفكرة الصحيحة بلنسبة لفرص الطلاب .. و أنها تعتمد على التخصص الدقيق ..
و مدى الاحتياج له .. !