قالها والدي
انتهى زمن الوظائف

يا أخواني

ياللي تعتبرون اللي يشتغل في ورشة فقير
والله ما اقول غير انتم الفقراء


شوفوا اخوي متخرج من كلية التقنية قسم ميكانيكا ويشتغل في مصنع وراتبه في الشهر ما يتجاوز 5000 ريال مع البدلات
ويفكر الآن يفتح ورشة ويقولهم باي باي
ليش؟؟؟؟؟؟؟
لأنه يكرف كرف وفي الشمس ويوميته ما تتعدى 140 ريال فقط
لكن لو فتح ورشة اقل شيء ممكن يطلعه في اليوم 1000 ريال وهذا واقع
وانتم ادرى باصلاح السيارات
وفوق هذا كله حر نفسه يجيب معاه عمال يروح ويجي على كيفه مو يدق كرت في الروحه والجيه ومافي غير خصم ومافي غير اجازات بدون راتب

بالله عليكم مين الفقير ؟؟ اللي يكرف شهر كامل مع الذل والاهانة من الاجانب
ولا لما يكون هو رب العمل وكمان عنده خبره تنفعه في كل مكان


والله انكم نايمين وما تدرون عن المكاسب اللي فيها ولا كان رحتوا تجرون تفتحون ورش

واحب اذكركم بانها بدون راس مال .. راس مالها عدة تشتريها وحده مرة وايجار محل


وبالنسبة للأخ اللي يقول محد يزوجه اقول انت غلطان احنا الآن في زمن المادة
مدام دخلته طيب كل البنات بيرضون فيه والحين البنات اوعى وافهم من زمان

ومدام اني بنت بقول لك ان لو احد زي هذا تقدم لي والله راح اوافق على طول
تدري ليش ؟؟؟؟
لانه رجاااااال بمعنى الكلمة يعتمد على نفسه ويغني نفسه وما ينتظر احد يفتح له بيت
زي اغلب الشباب اللي الحين طالعين لنا ما ادري من وين كل واحد ابوه يزوجه هو راقد
وبعد سنه يطلق زوجته عشان ما عرف قيمتها
لكن واحد زي هذا افتخر فيه وقدوة لاولاده
والكلام يطول