وعليكم السلام ورحمة الله وبركاته
الله يرزقك يارب في هالشهر الفضيل
مكلمك عنده مكتب عقار من عام 2001 تقريبا
وابشرك حاط فرشة على الرصيف خخخخخخخخخخخخخخخ
وشاي وقهوة وجرايد وفله حجاج
تصدق أن أفخم مكتب في الحي الي انا فيه اشغاله ماتمشي الا عن طريقنا
يجون عندي اصحاب المكاتب يتقهون وسوالف وضحك ..........<<<تضييع وقت
يجي واحد ويسأل عندك ارض أو فله أو عمارة اذا ماكان عندي طلبه طبيعي يكون
عند الي جالسين عندي يتفق معه ويشوف العروض والسعي النص بالنص اوكي
ولازم تكون ذكي أو بمعنى أصح ملكع أو بمعنى أدق لوقي خخخخخخخخخخخخخخ
اذا جاك احد وعندك طلبه ومعك ناس في المكتب تاخذ رقم الشخص وتقوله ادور لك طلبك
عشان مايدخل احد معك في السعي (مجرد تموية) <<<<اغلب الدلاله يسون كذا
نجي للتأجير طبعا مافيه فائدة كثير على كل عقد 500 ريال وتأخذ ادارة املاك بنسبة......
لايغرك مظاهر المكاتب الديكورات والفخامة
حط في بالك ان اغلب شغلك ميداني تقولي كيف أجاوبك هنا
تروح تتمشى في المخططات القريبة منك وتشوف العماير الي على وشك تشطيب
وتكلم راعيها لك نية تبيع أو تأجر أتفق معه (عاد هنا يجي اسلوب اللواقة)
المكتب راح يكون لتسجيل العقود واستلام الاجارات وتضيع وقت <<<اتمنى وصلت فكرتي
طبعا هذا كله في صوب وبيع المزارع في صوب ثاني 
طريقتي اكسب البايع قبل الشاري تتعلمها ان شاء الله مع الوقت
واي شيء انا حاضر