السلام عليكم ورحمة الله وبركاته

1_ارجو منكم عدم تطنيش موضوعي لاني تعبت بصراحه من كثر المطامر في مركز الضمان الاجتماعي

ابسرد لكم مشاكلي بشكل نقاط عشان توضح اكثر

1_انا مستفيده من الضمان بس تدرون انه مايوصلني ولا ريال
السبب... لأن امي مو مسجله في بطاقة العائله معاها تابعيه زمان خاصه فيها بس الحين معاها بطاقة احوال الي مضاف بلبطاقة العائله زوجة ابوي والضمان حقي يروح لها مفكرين انها امي طبعآ زوجة ابوي ماتعطيني شي غير كذا رحت لهم انا وامي وجبت شهادة ميلادي واثبت لهم منهي امي ووضحت الالتباس الي صاير

بس المشكله لي ثلاثه شهور لاحياة لمن تنادي رايحه جايه على الضمان عسى ماشر اذا السالفه كذا اقطعو عني الضمان وريحوني وخليها تروح لناس يستحقونها مو تاخذها زوجة ابوي بغير حق مشروع حسبي الله ونعم الوكيل

2_الموظفه حقة الضمان تقول مراح يوصلك الا300 ريال بسبب انك تستلمين تقاعدطبعآ التقاعد حقي مايتعدى 400 ولايجيني تقاعد الاكل ثلاث سنين وبطقاق بعد من اخواني من ابوي
بس الي يجيني الحين وانا عايشه عليه حق التئمينات يوصلني 300 ريال منهم بس

3_الصندوق الخيري يقدم منح تعليميه وكنت حابه اقدم فيها رحت لموظفات الضمان قلت لهم عطوني اثبات اني مسجله عندكم ورفضو مدري ليه تعبت معهم يقولون مانقدر