المشاركة الأصلية كتبت بواسطة خفايا أسرار

اخوي الشيخ ستيف ..المفاضلة يدخل فيها اشياء كثيره تتعدى مسألة طول ومعدل ...الخ وزارة الداخلية توزع ارقام المقبولين حسب المناطق والقبائل و يفرق شخص ابوه رجل امن واعمامه محترمين ومالهم سوابق عن شخص ابوه مروج مخدرات واعمامه خريجين سجون ولو تلاحظ جهاز المباحث والاستخبارات يفضلون الاشخاص اللي ينتمون لعائلات ابآئهم يعملون في المباحث والاستخبارات طبعا هذا لايعني ان اللي ابوه ماهو شغال في المباحث والاستخباارت ما ينقبل لكن اتكلم عن التفضيل ..هذا امور تدخل في الفرز كله اما قضية الطول ما اتوقع بمجرد انك طويل تنقبل ولافيه شي من هذا القبيل واتمنى الواحد يتكلم بشكل واقعي افضل من التخمينات لو نظرت للدورات السابقه تلاقي اطوالهم عاديه ...ابي اوصل معلومه لاحد ينظر من مركز قوته يعني اذا الواحد طويل قال القبول بالطول واذا معدله حلو قال بالمعدل واذا جسمه رياضي قال بالاجسام واذا ابوه عميد قال لابناء الضباط ...الخ الكلية الامنية كلية تخرج ضابط يعمل في وزارة الداخلية وليس في كرة السلة يعني راح تختار بعناية من يستحق القبول ليعمل في اجهزة امنية حساسة مايهما طولك ولا معدلك بقدر مايهما ان تكون شخص ناضج واعي قيادي عنده ولاء شخص يتحمل المسؤلية شخص قد يسند إليه جهاز أمني كبير في المستقبل فأنتم تكلمو بالمنطق واتوقع مادام الفرز عند الامير محمد بن نايف ثقو كل الثقة لن يدخل الكلية الامنية إلا من يستحقها !!