الله يحيكم جميعا شباب وانا طالب مقدم معكم ولكن انا ظروفي غير باقي الطلاب وراح اوصفلهم هي

شباب والله انا الى قبل اقل من سنه ما اعرف بوجود شي اسمه الكلية الامنية

انا تخرج من الجامعة متأخر و كان اكثر دفتعتي اتخرجو المهم اني لما تخرجت سافرت مباشره على بريطانيا

والان انا ادرس ماجستير

خلال دراسي و بالتحديد اول ايام لي في البعثه جاتني اجازه و سافرت المملكة

و بصدفه بحته تمام دخلت مطعم ولا شوي جا واحد جمبي و سلم علي من هنا و من هنا قلي ترى انا اتعينت في الكلية الامنية في الرياض ........... قلتلو ما شاء الله بس ايش لك في العسكريه تخلص جامعة و في الاخر تصير عسكري ؟؟؟

قالي لا انا ضابط..... قلتلو ما شاء الله ....... و جلس يذكرلي اسامي ناس كثير كانو معانا في الجامعة وقلي هذول كلهم صارو ضباط

المهم قلي ترى اذا انت جامعي و متخرج قانون سهل جدا انك تصير ضابط قلتلو كيف المهم قلي خد رقمي و كلمني المهم بعد كم يوم دق عليا و قلي ما يمديك تقدم لان التقديم اتوقف لكن تعال السنه الجايا

انا وقتها سألتو قلتلو بس اللي اعرفه عن هذي الامور ما ياخذون غير بدو و معرف وشو قالي مالك صلاح انت تنطبق عليك كل الشروط

المهم اتفقنو جا السنه دي على شهر 6 قلي رتب وضعك ترى التسجيل قريب

المهم جيت هنا و اقول لأصحابي اللي معاي بلندن و قلتلهم ترى انا لي رغبه اني اصير ضابط

واحد فيهم قام و هو من قبيله كبيره و معروفه انهم رجال قال عندي الكليه قلتلو انا ما ابغى احد يتدخل او واسطه لكن تابعولي وضعي

المهم و اقدم عادي و انقبل مبدأي اول و ثاني و اسلم الدفتر و ارجع ثاني لبريطانيا و اثري ان اللي معاي و هم كبار في السن كلهم فوق الـ 30 كل قرايبهم في الكلية و في الداخلية و انا امووووووووووووون عليهم صح

و اكثر الطلاب شعبيه بينهم كوني اصغرهم يعاملوني مثل اخوه الصغير مع ان عمري 26 و جمعة الشباب دايما عندي في البيت و كل يوم عندي على العشا فا عشان كدا كل واحد فيهم لزم علي انه بيخدمني و صراحه ما قصرو ابدا و بيض الله وجهيهم

فا ما شاء الله اللي اخوه ماسك ......... في الكلية و اللي خاله ............. في الكلية و اللي و اللي

غير ان وجود عدد كبير من اللي كانو معايا في الجامعة شغالين في الكلية و منهم من صار معيد بالكلية و كلهم على تواصل معاي يبوني ادخل معاهم في الكلية المهم صارو مهتمين فيا اكثر من قرايبهم و يتصلون علي يعطوني الاخبار اول بأول

والله اني صادق و لا كذبت عليكم و للعلم هذول الاشخاص من ضباط رتب عاليه الى مدنيين و هم متابعين معاي الى ان يجيبولي خبر القبول

خلاص شباب عرفتو قصه حياتي عشان ابغاكم ترتاحو و يطمأن قلبكم لأخباري