بسم الله الرحمن الرحيم

السلام عليكم ورحمة الله وبركاته

كيفكم شباب وش حالكم : الواحد يحمد الله على ما كتب له ويمكن فيها خيره يا شباب توكلوا على الله

المهم : ولله الحمد والمنه تم الإتصال بي يوم السبت قرابة 3.15 مساءً وقال لي تم قبولك ولله الحمد

بس باقي تجيب الشهادات والمؤهل وصور شخصية و خبراتك تكون مصدقة من التأمينات الإجتماعية

وتجينا بكرة من الساعه 10 إلى الساعة 2 في إدارة الجامعه بالخرج على وظيفة سكرتير م5 أنا توقعت

أنها خلاص قبول نهائي وقلت للأهل وفرحووو ويباركون وخلاص قررت أني انقل للخرج وادق على ولد عمي

في الخرج أسأله عن الإيجارات وكيف وكيت ...مصدق

المهم قدمت إجازة من العمل ليوم واحد ورحت للخرج للجامعه وجلست حتى الساعة 1:15 ظهراً أول ما جلست

قبل الظهر جانا واحد يسألنا يقول كيف إجراءات المسابقة وكذا وكذا قلنا زينه قلنا طيب هذا قبول نهائي وضحك قال لا

انصدمت قال اللحين هذي الخطوة الأخيره في المسابقة نفرز بين المتقدمين ونرشح واحد أساسي واحد إحتياط

وعلى ما اعتقد ان تخصصي سكرتير المرتبة الخامسة عددنا 2 اللي موجودين وبيأخذون منا واحد أدعو لي إن شاء الله

المهم دخلت عليهم قال عطنا الشهادات والأوراق كلهااا وما يصادق خبرات والصور الشخصية وكتب على الأوراق

الوظيفة قال خلاص رح إذا دقينا عليك قلنا لك متى تباشر عملك وطلعت وهذا ما جرى يوم الأحد بالأمس

ولله الحمد راضي بما كتب الله لي

والله يوفقكم جميعاً لخير منها وأن يسعد أيامكم ويعينكم على تحمل كل شي

وشكراً