المشاركة الأصلية كتبت بواسطة يارب الأمنية

بسم الله الرحمن الرحيم

إلى أخواني الأعضاء المتقدمين على كلية الملك فهد الأمنية :
أولا" أحب أعرف بنفسي أنا أحد طلاب دورة 39
ثانيا" بصراحة أنا داخل للمنتدى لهدف واحد ويعلم الله إني ماتابعت الموضوع من البداية لكن السبب الرئيسي
لدخول المنتدى هو قرب ظهور النتائج واللي أتمنى من الله العلي القدير يكتب لكم الخير ومافيه وبسبب ذلك أختصر
مداخلتي بتوضيح بعض الأمور أنا بصراحة حاس في كل واحد فيكم ومريت بهالظروف العام لكن اللي أحب أقوله إنه
كل واحد فيكم ماراح ياخذ إلا رزقة اللي مكتوب له طبعا" عاجلا" أو آجلا" راح تظهر النتائج وأحب أقول للي ماراح يظهر
أسمه أحمد الله سبحانه وتعالى على كل شيء وأرزاق رب العالمين ماهي مقتصرة على الكلية وصدقني الكلية ماهي مثل ماتسمع عنها أوتتخيله صدقني فيه أكثر من فرصة لك غير الكلية وأفضل بألف مرة أرزاق رب العالمين موزعة فلا تعلق نفسك بشيء تجهله أو تتخيله على العموم ياشباب ياجامعيين والله العظيم إن الكلية ماهي مثل ماأنتو متصورين
فلا أحد يتضايق أو يزعل إذا ماظهر أسمه وبالنسبة للي راح يطلع أسمه أنصحة يستخير أكثر من مرة عل الله كاتب له
ماهو خير له بصراحة أنا قاعد أكتب المداخلة وأنا ماني مرتب لها لكن إذا فيه استفسار واقدر أجاوب عليه أنا مستعد وحاضر