ودي أنسى
إن قلبي كان مرسى ..
ترمي جروحك عليه .. كل ما مريت فيه
بعدها ترحل وتقسى ..


ودي أنسى ..
كان هالشارع ظلام
وكان بالسكة رصيف .. دايمٍ تجلس عليه ..
كنت أشوفك من بعيد .. حاير بصمتك وحيد
وكنت ألمح بالسما دخان طاير ..
من غيومك …
وأتحسّس فوق خدي دمع حاير ..
من همومك …
تبتسم صوبي تنادي ..
لي تنادي ؟
ما أصدق! .. لي تنادي ؟
وليه تنادي!!
وانت ناسيني وغادي ..


ودي أنسى ..
إني في ليلة بكيت .. يوم جيتك مادريت
إنك تنادي علي .. لجل تسألني عليك ..
عن عيونك .. عن جنونك ..
عن ألم جرّح جفونك ..
عن حبيبة قلبك اللي
للأسف كانت تخونك ..


ودي أنسى
ان قلبي كان مرسى ..
ترمي جروحك عليه
كل ما مريت فيه
بعدها ترحل وتقسى ..
ودي أنسى ..