المشاركة الأصلية كتبت بواسطة و للعطلنجيه بقية

[align=center]واحد من العيال تخصصه عربي .. كان يوم الربوع و الخميس ..
طلب مني اشيك له ع عدد الموجودين بكشوفات هالاسماء .. و يوم ناظرت لقيتهم حول الـ 220 طالب
لكن هالايام كانت لتخصص الآداب و كان فيه اعلام من جميع تخصصاته و اكثرها العلاقاات العامه
وكان فيه بعضهم تربية رياضيه و مكتبات ..
يعني اقدر اقولك انه تقريبا كانوا 120 لغة عربية و الباقي مشكل ..
عاد ما ادري من بقى بعد الفحوصات الطبية و غيرها ..

و ما ادري ايضا اذا للآداب موعد ثاني .. لأن 200 طالب عدد قليل جدااا .. !!؟
و سمعت واحد من الشباب هنا يقول أن يوم الثلوث و الربوع كان فيه ناس تخصصهم آداب ..
اذا واحد منهم موجود ياليت ينورنا اكثر ..
عموما اتوقع ما يقل عدد المتقدمين عن 200 طالب .. لغة عربية ..


تخصص اللغة العربية يعتبر من التخصصات ذات الاحتياج القليل في الكلية ..
يعني العام الماضي كان القبول الألكتروني يبدأ من
معدل 3,25 (( واللي اقل من كذا يجيه ريجيكت )) .. ومع ذلك وصل للفرز النهائي
حوالي 200 طالب و تم اختيار 32 طالب منهم للقبول النهائي .. !!

يعني انا اعتبره اقل التخصصات حظا بناء ع العام الماضي ولا قبل العام و السنين اللي قبلها
كان نصيبهم جيد و دايم ياخذون منهم فوق الـ 50 طالب ع الاقل .

بس هالسنة ع كلام خويي فيه ناس معدلاتهم 3,5 3,10 ..
يعني قابلين معدلات ادنى من العام الماضي .. ؛)


كودهم هالسنة ياخذون عدد كبير .. لأن بعض اخوياي متخصصين عربي و مقدمين ..
الله يوفقكم .. !

بالنسبة لموضوع التربوي .. ما ودي افتيك و لكن ما اعتقد تفرق واجد ..
يعني اذا انت متفوق ع طالب مو تربوي ماراح يفضلونه عليك لأنك تربوي ..
لكن ممكن اذا تعادلتم يناظرون الامور ذي .. !

,,

اخوي عذابي هم .. وش اللي اخطأوا الاخوان الله يهديك خخخخخخخـ .. !
يا غالي فيه واحد معنا بالصاله صك العداد لاخره وكان يبي يزود بس الامتداد وقف ما شاء الله عليه ..
وجاب 45 .. و لو تشوف المسطره اعتقد اخر درجة فيها 45 سم ..
يعني قياسها بالطول يا عزيزي ..

وين 100 سم معه خخخخخ .. مصدق احد مرونته متر .. حتى العداء الجمايكي ما يجيب 100 سم .. !


وبعدين من اللي جايب 52 سم .. اخاف انه لخبط بين درجة السير و درجة المرونه ..

الا في حالة انهم حطوا مسطرة ثانيه .. وحتى صعب جدا واحد يجيب 52 ..
اللي جاب 45 جسمه غريب نوعا ما .. ما شاء الله تبارك الله عليه .. !

و للمعلومية المرونة مالها أي علاقة بكون الشخص رياضي أم لاا ..
يعني يجيكم واحد في الرياضة 0 و يكون عنده مرونه بجسمه و يجيب اعلي شيء ..
و يجيكم واحد راعي كورة و تنس و سباحة وما يجيب الا 20 - 25 .. ![/align]