على فكرة يا شباب ...ترى الوزارة تضع كل شخص حسب ما يتميز فيه مثلا اللي طولهم فوق 175 راح يوجهونهم على قوات الامن الخاصة ومدربين يعني القطاع اللي يحتاج ناس طويله ..واللي معدله حلو راح يوجهونه على قطاعات تحتاج المتفوقين والناس الذكيه مثل المباحث والاستخبارات واللي لاطول ولا معدل راح يوجه للقطاعات اللي مايهما لامعدلك ولا طولك مثل الجوازات والامن العام فأنتم لا تفكرون ان الكلية واضعه القبول للطوال بالعكس اصلا اللجنة تشوف وش يميزك ثم بناء على ذلك ياخذونك لاتفكرون الامير محمد بن نايف يمر عليه واحد معدله 4.80 وطوله 170 بيتركه وياخذ واحد معدله 2.75 وطوله 175 وهم في نفس التخصص .اشوف كثير من الشباب مركزين على الطول وكأن المفاضله عليه فقط ترى المعدل مهم جدا جدا وهذا حتى اللي شفته في المقابله وفي تدقيق الوثائق كل اللي يشوفون معدلي يقولون وضعك تمام ان شاء الله انا ما امدح نفسي لكن والله فرق كبير بين شخص يجتهد ويحضر في الجامعة وانسان جاد وطموح وبين شخص ساحب على المحاضرات واغلب الامتحانات يبرشم وماشي على البركه فرق كبيرررررر يا عالم الامير محمد بن نايف خريج جامعة امريكية وانسان فاهم ومتعلم واكيد انه ينظر للمتفوقين بأنهم كنز ثمين بالنسبة لوزارة الداخلية انا هنا ما اقلل من شأن اصحاب المعدلات العالية والله يشهد على كلامي والله يوفقهم جميعا لكن لا تقللو من أهمية المتفوقين وتقولون الطول والطول انا معكم ان الطول يدخل في المفاضله لكن ترى المتفوقين عددهم قليل في الفرز النهائي يمكن ما يصلون 50 واتوقع هذا رقم كبير .لاحد يزعل من كلامي لكن هذا الواقع .